الفنان عزيز مرقة: عايز أبقى شاطر في التمثيل

كشف الفنان الأردني عزيز مرقة، عن عدم رغبته في خوض تجربة التمثيل في الوقت الحالي، وأنه يريد ألا يدخل مجال التمثيل إلا إذا كان يتقنه، وأنه حاليًا يعتبر نفسه في مرحلة تدريب.
وصرح في لقاء مع برنامج عرب وود، على هامش الاحتفال بأغنيته الجديدة "مش حاسس نفسي لسه مسيطر، مش عايز أبقى مغني قرر يمثل، عايز أبقى شاطر في التمثيل، عايز أدي حاجة أو مديش خالص يعني".
وتابع "لازم لما أمثل أضيف حاجة، فبحاول دلوقتي أمارس التمثيل من خلال أغنية زي "حطة إيدك" اللي هتنزل خلال الفترة الجاية على طريقة المونولوج، وكليب "ما تيجي سكة" برضه اللي هو أنا وأسماء أبو اليزيد وفي تفاعل بيني وبين ممثلة مرموقة وكتير شاطرة".
يذكر أن عزيز مرقة، طرح مؤخرًا عبر قناته على يوتيوب ومنصات السوشيال ميديا المختلفة كليب أغنية "ما تيجي سكة"، والذي صوره مع الفنانة أسماء أبو اليزيد وبمشاركة جمهور حقيقي حضر التصوير في منطقة الكوربة، مما أضفى روح مبهجة للكليب.
الأغنية من كلمات الشاعر الغنائي محمد بحيري وتوزيع ماهر الملاخ، ألحان عزيز مرقة، والكليب من إخراج بيشوي يسى.

كلمات الأغنية:
وتقول كلمات الأغنية "ما تيجي سكة، ونروح سوا آخر السكة، دماغي فاكة، والقلب واقف على تكة، تعالي يالي خليتي سكتي تعدلي، تعالي حلي شوفي حل في قلبك حلي، تعالي حلي خلي الدنيا دي أسهلي، وأنا إيه اللي فاضللي، ما خلاص ضحكتلي، ما تيجي سكة نروح سوا آخر السكة، دماغي فكة والقلب واقف على تكة، آه يا ويلي من البصة، عينيها ما تتوصى، عيشت أنا فيها قصة، آه يا ويلي من الضحكة، تعالى يالي قربت لقلبي بتكة، تعالى يلي حليتلي الدنيا بضحكة، تعالى حلي على قلبي باقي السكة، دي الدنيا أحلوت أول ما عينيك بصتلي، ما تيجي سكة نروح سوا آخر السكة، دماغي فكة والقلب واقف على تكة، آه يا ويلي من البصة، عينيها ما تتوصى، عيشت أنا فيها قصة، آه يا ويلي من الضحكة".