عصام كاريكا يُشعل حفل زفاف " ملك" ابنة رجل الأعمال أيمن العزازي

أحيا الفنان عصام كاريكا، حفل زفاف " ملك" ابنة رجل الأعمال أيمن العزازي، بزواجها من الأستاذ إسلام، ابن رجل الأعمال طارق، وحرص عدد كبير من نجوم الوسط الفني وكرة القدم علي حضور حفل الزفاف .

وحرص على حضور حفل الزفاف الفنان محيي إسماعيل، والكابتن إبراهيم حسن، مدير منتخب مصر القومي، والكابتن مدحت عبد الهادى، وغيرهم من نجوم الرياضة.

أحيا الحفل مع عصام كاريكا، المطرب هاني حسن الأسمر، وقدما للعروسين مجموعة من أغانيهما، وتفاعل مع أغانيهما عدد كبير من الحضور.

يقال إن عصام كاريكا، كشف عن سبب خلافه مع الفنان محمد سعد، بسبب إحدى أغنيات فيلم "بوحة"، حيث أنه غيّر في كلمات الأغنية بطريقة غير منطقية.

وتحدث كاريكا، عن خلافه مع محمد سعد، أثناء لقائه مع الإعلامية منى الشاذلي، في برنامج "معكم" المذاع على قناة " ON"، قائلا: "حصل خلاف كبير جدا ومن ساعتها متعاملناش تاني.. الأغنية الأساسية بتقول: أول ما عرفت إنك عاوزني جيت أوام مقدرش استغنى عنك يا معلمني الغرام، وأقولك برضو إني ياللي في بعدك ناسيني أؤمرني هتلاقيني تحت السلم بنام".

وواصل حديثه أثناء اللقاء، قائلًا: "هي كده.. دي قافية مظبوطة.. لكن وإحنا في الاستوديو.. سعد قالي لا.. نشيل (هتلاقيني تحت السلم بنام) ونخليها (سجادة بين إيديك).. فقلت له مينفعش لازم تبقى مظبوطة، قالي لا عاوزها كده وزعل وكان هيمشي".

وتابع: "كلمت المنتج وائل عبد الله.. قلت له محمد سعد بيغير الكلمات لحاجة مش فاهمها.. فقالي عشان خاطري والنبي مشيها، الفيلم واقف.. فعملناها ومشيت.. لسه زعلان لحد الآن وببقي هموت كل ما اسمعها".