فلوسي في البنك هيتحجز عليها لو مدفعتش ضريبة التصرفات العقارية؟!

سؤال بيتردد كتير فلوسي في البنك هيتحجز عليها لو مدفعتش ضريبة التصرفات العقارية؟! 
تعالي نوضح في الاول ايه هي ضريبة التصرفات هي ضريبة فرضتها الدولة علي المتصرف سواء بائع او متبرع او واهب و تقدر بنسبة ٢.٥ % من قيمة العقار المتصرف فيه بغض النظر عن الطريقة التي تم بها التصرف في العقار و تم تقريرها بالمادة ٤٢ من قانون الضريبة الموحده و المعدل بالقانون ١٥٨ لعام ٢٠١٨ و بغض النظر عن العقار كان مشهر او غير مشهر .....
تعالى نقولك بالترتيب إيه ممكن يحصلك لو مدفعتش !

🔹 لو مسددتش بعد 30 يوم:
بيتفرض عليك غرامة + قيمة الضريبة اللي مدفعتهاش.

🔹 طب لو اتأخرت في الدفع لمدة طويلة؟
مش معنى إن الضرائب مخدتش إجراء ضدك إن الموضوع خلص، بالعكس أنت ممكن لو عندك رصيد في البنك الضرائب تحجز عليه مهما فات الوقت.

🔹 اللي بيحصل كالآتي:

1- الضرائب بعد ما تعلمك بضرورة سداد الضريبة بتبلغ البنوك إن عليك مستحقات ليها.
2- بيتحجز بعدها على حسابك لحين توفيق الأوضاع مع الضرائب وسداد الضريبة اللي عليك + غرامة متزايدة وإلا بيتم الحجز على رصيدك.

طيب هل في استثناءات من سداد الضريبة ؟

نعم يوجد بعض الاستثناءات من دفع الضريبة و قررها القانون مثل الوارث اللي انتقلت اليه الملكية عن طريق الميراث 
الحاله الثانية لما تقدم العقار كحصة عينية في راس مال اي شركة من الشركات المساهمة و لكن بشرط عدم التصرف في الاسهم المقابله لها لمدة ٥ سنوات 
الحاله الثالثة التبرع بالشيء او العقار للاقارب بين الاصول و الفروع 
الحالة الرابعة البيوع الجبرية للعقارات التي تتم للمنفعه العامه للدولة 
الحالة الخامسة التبرع بالعقار للدولة او للاجهزة الحكومية ....
طيب اتفقت انا و المشتري علي ثمن صوري في العقد نقلل بيه الضريبه ؟

هتكون ديما محل عرض للجان التقدير بالمأمورية و هيتم ربط الثمن طبقا لاخر بيع مسجل عندهم بالمأمورية ...

احسن طريق الطريق المستقيم  ... مستعد للرد علي  التعليقات و الاستفسارات ..... ؟

مستشارك القانوني 

محمد محمود ابوشنب المحامي بالنقض والمحكمة الإدارية العليا