هاني شاكر عن أزمة أغنية رحماكي: عيب يتقال أني بسرق

خرج الفنان هاني شاكر، عن صمته ورد على أزمة اتهامه بسرقة أغنية رحماكي، مؤكدًا أن جمهوره من طلب منه الرد على هذا الاتهام واتخاذ إجراء قانوني ضد الشخص الذي اتهمه بسرقة الأغنية.

وقال هاني شاكر، في تصريحات تلفزيونية: "كتير من الفانز بتوعي هما اللي حرضوني أني أرد وآخد إجراء قانوني، لأن بصراحة ربنا الخبر نزل بشكل مسيء جدًا، يعني هاني شاكر بعد تاريخه الطويل ده واحترامه للناس ولنفسه هاجي أقول أني سرقت؟ أولًا أنا مش مؤلف الغنوة، ولا أدعي أني كاتب الغنوة، المواقع لازم تتأكد هل في محضر فعلًا ولا لأ، وهل المحضر صح ولا لأ، عيب نقول هاني شاكر بيسرق".

وتابع هاني شاكر:" الموضوع طلع فشنك، والشخص ده نفسه ناس كتير قالت لي لازم أرفع دعوى تعويض، لأنه الحقيقة السب والقذف اللي أتقال ده أنا عمري ما تعرضت له في حياتي".

وكان قد كشف الفنان هاني شاكر، تفاصيل اتهامه من أحد الأشخاص بسرقة أغنية رحماكي، قائلاً: "الحمد الله تم حفظ البلاغ بعد التأكد من عدم صحته، وإن شاء الله هتخذ إجراء قانوني ضد الشخص اللي اتهمني بسرقة الأغنية، عن واقعة السب والقذف والبلاغ الكاذب".

واختتم: "مفيش صلح، وهطلب تعويض مالي، أنا مش مستني الفلوس اللي هتطلعلي منه، ولكن هيكون تأديب ليه عشان ميكررش نفس الموضوع مرة تانية، معايا أو مع غيري".