أحمد كامل: مش هغني في الساحل وأي مكان بيقدم خمور

كشف المطرب أحمد كامل، عن خريطة حفلاته في صيف 2024، المقرر إقامتها في اكثر من دولة عربية واجنبية، متحدثا عن سبب رفضه للغناء في حفلات الساحل الشمالي.

وقال أحمد كامل: «حاليا معنديش حفلات في مصر كل اللي بيتعرض عليا في الساحل وأنا مقاطع الساحل لأني مبشتغلش في أماكن فيها ناس بتشرب ومش هاخد فلوس من الحاجات دي»، خلال لقائه مع الإعلامي هشام السيوفي في رؤيا مصر.

وأضاف كامل: «وكمان بيتعرض عليا اغني في ملهى ليلي وبرفض لأني مش هغني في مكان بيتربح من الخمور مش هصرف علي بيتي من الفلوس دي».

وتابع: «أنا عارف إن في ناس هتطلع تقول طب ما الغنا حرام وكدا، لكن بالنسبالي دي قناعات، وأنا مش هفتي في أمور الدين، أنا أقل من كدا بكتير، وياريت لو حد ناوي يكلمني في حاجة زي دي ميكلمنيش أحسن لأني مش هرد».

ورد على سؤال هل ممكن تبتعد عن الغناء، قائلاً: "ياريت والله ودايما بقول يارب لو في خير اديني خيره ولو في شر أبعدني عنه وممكن يجي عليا وقت واقول مش عايز اغني وده عشان أهم حاجة في الدنيا هو اللي خلق الدنيا".

واستكمل أحمد كامل حديثه عن الحفلات وقال: بستعد لحلفة في النمسا في شهر سبتمبر المقبل وعندي حفلة في الأردن والعراق.

وكان المطرب أحمد كامل، قال أن أغنية "يا ليل"، كانت أول أغنية في بداياتي، وكنت أواجه صعوبة في التلحين الخاص بها، ولكن أحد اصدقائي قام بدعمي وساعدني في لك، حتى خرجت الأغنية بالشكل الجيد.