والدة طفل ضحية هتك العرض بمدرسة دمنهور : ابني قالي عمو دخل عليا الحمام

حصل موقع «المصري الآن»، على نص محضر أقوال والدة الطفل ياسين، ضحية مُحاسب مدرسة دمنهور، المتهم بالاعتداء عليه وهتك عرضه داخل حمام المدرسة، حيث قالت إن نجلها تعرف على المتهم من خلال صور تطبيق الفيس بوك الخاصة بالعاملين بالمدرسة.

س: ما هي تفصيلات شكواك ؟

ج: اللي حصل أن يوم ٢٠٢٤/١/١٤ ياسين ابني كان بقاله فتره مش راضي يدخل يعمل حمام، وكنت بدخله غصب عنه، وده مش العادي بتاعه وحسيت أنه بيمسك نفسه بالعافية وأما سألته انتا المكان ده بيوجعك قالي اه قولتله من ايه قالي أنا كنت وأنا في المدرسه وعمو دخل عليا الحمام، سألته عمو مين قالي المستر ومعرفتش هو مين وقالي أنه حط السكينة من ورا واتعورت وأما سمعت كده منه وأما شوفته لقيت المكان متسع شويه وفي إحمرار جامد، وبلغت والده وهو مسافر شغال في الإمارات، وقالي هحاول أنزل في أقرب وقت، وقالي روحي بكره الصبح للدكتور خليه يكشف على ياسين، ولما رحت للدكتور قالي أنه تم اعتداء على ابني أكثر من مرة، والدكتور تواصل مع جوزي وفهمه الوضع بالظبط، وحاولت من خلال صور المدرسة على الجروب إني أوريها لابني عشان يشاور ليا على اللي عمل فيه كده من خلال الصور، واتعرف على واحد من خلال صور المدرسة اللي موجودة في حساب الفيس بوك الخاص بالمدرسة، واللي شاورلي عليه أنا مكنتش اعرف ده مين، وبعدها عرفت إنه موظف الحسابات في المدرسة، ولما روحت المدرسة مع ابني شاورلي على داده اسمها دميانة، وابني قالي أنها شافت المستر اللي عمل كده، ولما والده وصل رحنا للدكتور ثاني عشان يتأكد وقال نفس النتيجة بس مأخدناش منهم أي حاجة هما كشفوا عليه بس وقالو لينا اللي حصل وعملنا البلاغ والنهارده جينا على النيابة.

س: متى وأين حدث ذلك؟

ج: الكلام ده حصل ٢٠٢٤/١/١٤ بمدرسة الكرمة للغات - مركز دمنهور

س: وما هو اسم المشكو في حقهم تحديدا؟

ج اسمه صبري كامل معرفش بقيه اسمه هو محاسب بالمدرسة، وفي ناس بتقول إنه محاسب في المطرانية وبيجي كذا يوم في الأسبوع يشرف على الحسابات الخاصة بالمدرسة.

س: وهل من ثمة علاقة أو خلافات فيما بينك و بين سالف الذكر؟

ج: لا

س: ما الذي بدر منك عقب ذلك ؟

ج: اما جوزي وصل من السفر رحنا لدكتور ثاني وأكد أن حصل اعتداء على ابني أكثر من مره ورحنا عملنا البلاغ والنهارده جينا على النيابة.

س/ و كيف نمى إلى علمك حدوث تلك الواقعة؟

ج: يوم ٢٠٢٤/١/١٤ كان ابني بقاله فترة مش راضي يدخل الحمام وأما سألته ليه بتعمل كده قالي أن المستر دخل عليا الحمام وحط السكينة فيا من ورا.

س: وما الذي دعا نجلك للانتقال رفقه المتهم آنذاك؟

ج: هو ابني كان في الحمام في المدرسة واللي اسمه صبري ده هو اللي دخل عليه وده اللي قالي ابني عليه.

س: وهل أخبرك نجلك بما حدث من المتهم قبله؟

ج: ايوه

س: ما هي الأفعال المادية التي قام بها المتهم قبل نجلك المجنى عليه؟

ج: معرفش غير الكلام اللي قالوا ابني.

س: وهل نتج عن تلك الأفعال ثمة آثار إصابية بنجلك؟

ج: أيوه 

س: وما قصد المتهم سالف الذكر من ارتكابه لتلك الأفعال؟

ج: هو قصده يعتدي على ابني ويهتك عرضه.

س: هل يوجد ثمة شهود للواقعة؟

ج: ابني قالي الدادة دميانة شافت المستر اللي عمل كدة.

س / هل يوجد أى علاقة أو خلافات بينك و بين والمتهم؟

ج / لا أنا معرفهموش اصلا

س / هل من ثمة صله أو علاقه تربط بين المتهم والمجنى عليه؟

ج: لا

س: هل ترغب في عرض نجلك على مصلحه الطب الشرعي؟

ج: أيوة.