يسري نصر الله: مني زكي ست ذكية جدًا وممثلة كبيرة

أكد المخرج يسري نصر الله، أنه يجب على كل ممثل لازم يشتغل على شخصيته وتكون جاهزة، فأنا دوري أوجه، أو أقول لأ، مش دي خالص.

وتحدث نصر الله خلال لقائه مع  الإعلامية شيرين سليمان ببرنامج سبوت لايت، ‏المذاع ‏على قناة صدى البلد، عن تعاونه مع النجمة مني زكي في فيلم “احكي يا شهرزاد” قائلا:  “منى زكي  جت عايزة تتكلم في أبعاد الشخصية، وأنا بصراحة ما بفهمش في الحاجات دي، ده شغلها هي، كل اللي قلته لها وقتها مش هنلبس فساتين شبه اللي في صغيرة على الحب، هنلبس فساتين ست حلوة وهي فهمت ما خدتش أكتر من كده، لأنها ست ذكية جدًا وممثلة كبيرة جدًا".

‏وأضاف يسري ‏نصر الله: أن ما يهمه كمخرج هو ما يقدمه الممثل أمام الكاميرا، وليس التحليل النظري، ‏قائلًا: “أنا مش هقعد أقول لك إنتي حاسة بإيه، انتي جايبة لي إيه على الست، ده شغلك لو دخلتي في حتة مش بتاعة الشخصية، هقولك لو محتاجة تتظبط، هقولك أبسط، أعلي، أبطىء، أسرع، لكن أبعاد طفولتها ومشاعرها، دي حاجتك أنت".

وأشار  يسري نصر الله، أن علاقته بالممثلين قائمة على احترام ما يمكن لكل ممثل أن يقدمه، قائلًا: “ما أقدرش أطلب من ممثلة سمراء إنها تبقى شقراء ده مش من حقي، لكن من حق أي ممثل ييجي يناقشني في طريقته في تقديم الشخصية إنما وقت التصوير، أنا ما بحبش أسمع سؤال ‘أنا المفروض أحس بإيه لأني ماقدرش أدوس على زرار وأقول لك حِس بكذا إحساسك لازم يطلع منك أنت، ولو طالع حقيقي، أنا هصدقه".

وأضاف: فيه ناس لما بتحزن بتضحك، اللي يهمني هل اللي قدامي حقيقي ولا مفتعل.. مصدقك ولا لأ".

اقرأ أيضا: وفاة المنتج وليد مصطفى زوج كارول سماحة

مادلين طبر: بقالي 45 سنة نفسي أتكرم.. ومفيش مهرجان كان بيعترف

سهر الصايغ : فتى أحلامي كان كاظم الساهر وكنت