حب الناس ليك مالهوش حدود.. نجوم الفن يحتفلون بعيد ميلاد الزعيم عادل امام

الأحد، 18 مايو 2025 02:14 م

أماني سلام

عادل امام

حالة من الحب يعيشها الزعيم عادل امام، الذي احتفل بعيد ميلاده الـ 85 أمس، حيث حرص العديد من النجوم على تقديم التهنئة بتلك المناسبة السعيدة، متنين له الصحة والعمر الطويل، ومؤكدين انه أفضل ممثل في تاريخ السينما المصرية.

ونشر شريف منير، مجموعة من الصور تجمعه بالزعيم عادل إمام من فيلم «عريس من جهة أمنية»، عبر حسابه على إنستجرام وعلق قائلًا: «كل سنة وأنت طيب يا زعيم ودايمًا منور حياتنا».

وقالت عايدة رياض في منشور عبر حسابها على «إنستجرام»: زعيمنا الغالي، كل سنة وانت طيب وبخير، وربنا يديك طولة العمر والصحة والسلام، ودخلت التاريخ من بعد اللعب مع الكبار معاك، وقلتلك وقتها يا أستاذ أنا عايزة الباسبور، والباسبور ده كان إني أشتغل مع حضرتك».

وأضافت:" وفعلًا، لقيتك بتقولي يا عايدة، انتي معايا في الفيلم ده، وكان من أمتع الأفلام لأنه معاك، أشكرك كتير على الفرصة الجميلة دي، وربنا يباركلنا فيك ويحفظك لكل محبينك".

وكتبت داليا البحيري عبر حسابها على «انستجرام»: «مش انت عيد ميلادك النهاردة كل سنة وانت طيب يا زعيم بحبك جدًا ووحشتني أوي أوي ربنا يخليك لينا ويديك الصحة يا حبيبي» وأرفقت تعليقها بعدد من الرموز التعبيرية المعبرة عن الحب والاشتياق.

بينما كتبت ليلى علوي عبر حسابها الرسمي على «فيسبوك»: «أستاذ عادل، الفنان الكبير العظيم، الزعيم عادل إمام، كل سنة وأنت دايمًا طيب وبصحة وعافية، تاريخك كبير ومشرفنا دايمًا كلنا كل الحب والتقدير، ربنا يخليك لينا ولأسرتك الجميلة».

كما عبرت يسرا على حبها الشديد لعادل امام، والتي تعد من أكثر الممثلات اللاتي عملن معه، قالت له :«كل سنة وإنت طيب يا زعيم قلبي كل سنة وأنت منور الدنيا بوجودك، وبضحكتك اللي ما بتتكررش، وبحب الناس ليك اللي مالهوش حدود».

وأضافت: «اشتغلت معاك كتير، وعشت معاك أكتر ضحكنا، بكينا، حلمنا، وكبرنا سوا في كل مشهد وكل لحظة، ربنا يديك الصحة وراحة البال، وتفضل دايمًا الزعيم اللي بنحبه وبنفتخر بيه بنحبك أوي».

نسخ الرابط للمقال