زوج أسما شريف منير: هبذل أقصى ما عندي عشان أسعدها

وجه أحمد عزمي؛ زوج الإعلامية أسما شريف منير؛ رسالة بعد زواجهما يعبر فيها عن مدى حبه الكبير لها، وسعادته بتحقيق حلمه بالزواج منها.

ونشر عزمي؛ صورا من حفل الزفاف عبر حسابه الشخصي بموقع تبادل الصور والفيديوهات الشهير “إنستجرام” قائلا: "متشرف جدًا إن أسما مراتي، وأهلها الطيبين المحترمين، اللي عندهم إحساس بالبشر، علموني حاجات كتير، بشكر والد أسما على الثقة اللي ادهالي، وعايز أطمنه إن أسما في عيني، وبوعده إني هبذل أقصى ما عندي عشان أسعدها".

وأضاف: "رأيي الشخصي إن العلاقات دايماً بتحتاج مجهود من الطرفين عشان يحتووا ويقدروا بعض، الرجاله بالذات عليهم دور القوامة وده في الدين، بس القوامة مش معناها التسلط، زي ما أغلب الرجالة فاهمة! هي رعاية ومسؤولية".

وأختتم حديثه قائلاً: "الراجل لازم يكون داعم وسند لمراته ويتعامل معاها برحمة واحترام، لما بنشد بعض لطريق ربنا، ونتعامل بنية صادقة، ربنا بيكرمنا وبيعود علينا برزق وحاجة فيها هدوء و أمان، عندي رساله بسيطة أوي، دوروا على رضا ربنا واسعى وتوكل على ربنا، بالمعاملة الكويسة، الرحمة، وحب الخير مش هتلاقوا غير خير و رزق واسع و أماني بتحقق".

كانت اسما شريف منير قد أعلنت عن زواجها أول أيام العيد في حفل بسيط اقتصر على الأهل والأصدقاء فقط ؛ وكتبت عبر حسابها: “أنا الحمد لله اتجوزت، وده مش قرار عشوائي.. ده نتيجة شهور وسنين من التفكير والخبرة والتعلم، من تجارب شكلتني، ومن مراحل كتير عرفتني على نفسي من جديد فهمت إيه اللي بيديني سلام، وإيه اللي بيخليني أختار صح. عرفت إني عايزة حياة مستقرة، فيها احترام، وفيها تقدير، وفيها طمأنينة.”

وأضافت: “كنت بدعي ربنا كتير جدًا، وبدعي بإخلاص.. وقلت له: اختارلي، وفعلاً حسيت إنه وقف جنبي.. عرفت إن الجواز مش بس حب، ده مشاركة ووعي وصبر، وكنت مستنية العوض اللي يستاهل، وجالي.

اقرأ أيضا مصطفى كامل يعلن التفاصيل الكاملة لانتخابات نقابة الموسيقيين

ابن شقيق عبد الحليم حافظ يؤكد على حقوق العائلة ضد منظمي
 

آسر ياسين ينضم إلى بطولة مسلسل "دم على نهد" أمام هند صبري