ياريتك قلت حاجة نستفيد بيها.. أول تعليق من مخرجة فيلم ريستارت على طارق الشناوي

أثارت المخرجة سارة وفيق الجدل عبر السوشيال ميديا بردها شديد اللهجة على تصريحات الناقد طارق الشناوي حول فيلم “ريستارت” بطولة الفنان تامر حسني. 

وقالت سارة عبر «فيسبوك»: «أستاذ طارق الشناوي فيه فرق كبير بين الإهانة وبين النقد، حضرتك بتقول إن مفيش موضوع في الفيلم ودي حاجه ضحكتني جدا لأن إحنا بنتكلم عن موضوع الساعة، موضوع العصر، أكبر موضوع بيهمنا ويخصنا حاليا».

وأضافت: «كلامك فكرني بمشهد في الفيلم للفنان محمد ثروت وهو بيقول أنا أعمل أي حاجه عشان ابقى تريند (إحنا خدامين الترند) وسمع كلام الچوكر (الفنان باسم سمرة) اللي بيشتغل لأغراض ناس، مبروك يا أستاذ طارق عرفت تبقى تريند من غير ما تنقد الفيلم.. تخبط في القائمين على العمل بعيداً عن العمل نفسه ولا اتكلمت عن إيجابياته ولا سلبياته لا ههاجم أشخاص وبكده هطلع تريند بسرعة».

وأضافت: «وبعدين حضرتك بتتكلم عن أدوات المخرج والمؤلف ولم تستخدم أدواتك كناقد فني ياريتك قولت حاجة نستفيد بيها بدل ما أنت طالع ترمي إفيهات وإفيهات وحشة كمان».

واختتمت: «الرقم اللي متحقق جوه مصر وبرا مش مجاملة يا أستاذ طارق ده الجمهور الحقيقي اللي بنخاطبه دول مش ولاد أختي مثلًا، الفيلم لسه نازل وداخل على 50 مليون داخل مصر فقط ودا نجاح مفرح لكل صناعه الحمد لله، على العموم دي كلمتك ورأيك والجمهور قال كلمته برضو».

وفي وقت سابق، تحدث الناقد الفني طارق الشناوي عن فيلم “ريستارت” قائلا" أنا محستش إن سارة وفيق أضافت حاجة في الفيلم، لو شيلنا اسمها وحطينا إخراج تامر حسني مش هنحس بالفرق، لأن هي مش بتستخدم أدوات المخرج، إحنا شايفين حوارات كوميدية فيها مبالغات واستظراف والمخرجة سايبة الممثلين".

وتابع: "تامر لو قولت له خلي حد تاني يكتب ويخرج هيكون سلاح الأرقام لصالحه بناء على أرقام فيلم بحبك الأخير، واللي كان من تأليفه وإخراجه، لو تامر جاب مريم ناعوم أو شريف عرفة أو مروان حامد، هيروح في دايرة تانية، هو سلاحه الأرقام وأنا كده ناجح، وهيقولك ما يمكن الأسماء دي تنزلني درجة".

اقرأ ايضا: شيماء سعيد تفجّر أزمة عائلية.. ضرب وسرقة وانهيار على الهواء

"ريستارت" يقترب من الـ 50 مليون جنيه منذ طرحه

جومانا مراد تخطف الأنظار بإطلالة وردية على شاطئ البحر