رامي جمال: عمرو دياب لا يُنافس

علق الفنان رامي جمال، عن انتقاد البعض له لطرح ألبومه "محسبتهاش" قبل صدور البوم الهضبة عمرو دياب بأيام قليلة، ومقارنته به.

قال رامي جمال، خلال لقائه مع الإعلامية جيهان عبدالله في برنامج «أجمد 7» على إذاعة «نجوم إف إم»:«عمرو دياب لا يُنافس، هو حفر لنفسه تاريخًا فهو أسطورة حية، ولما نتكلم عن منافسة لازم يكون عندك 40 أو 50 سنة نجاح متواصل والجمهور هو اللي يقرر، وأنا مش من جيله عشان أكون في مقارنة معاه، أنا واحد من جمهور عمرو دياب المتعصّب، لأن اللي بيحب المزيكا بيسمع الكل، عمرو ورامي وغيرهم».

وأضاف: «اللي بيقولوا إزاي تنزل ألبومك مع ألبوم عمرو دياب، دا كلام كان ينفع زمان أيام الشرائط والسي دي، لما كانت القوة الشرائية لجمهور سنه من 15 لـ 25 سنة وغالبًا بياخدوا مصروف، وساعتها طبيعي يشتري ألبوم عمرو دياب. لكن دلوقتي إحنا في عصر الأونلاين، اللي يعجبه أغنية من أي حد هيسمعها، سواء مني أو من عمرو دياب».

وتابع رامي جمال حديثه عن تصدر التريند: «أنا نزلت قبله وتصدّرت تريند يوتيوب، وبعدها نزل عمرو دياب وتصدر هو كمان، وليا الشرف إن اللي أخد مني التريند هو عمرو دياب، لأنه من وجهة نظري هو صاحب الشغلانة، وهو الأسطورة الحية في عصرنا أنا شوفت سنين طويلة من حياتي بحلم أشوفه في المكانة دي، وإنه يبقى رقم 2 دا أصلا حلم كبير لأي فنان».

وأشار إلى أن فكرة التوقيت التجاري لم تعد هي الأساس، مضيفًا: «صحيح الناس بتلاحظ توقيت طرح ألبوم عمرو دياب، بس في نفس الوقت بشوف ناس بتقول ألبومي حلو وكل أغانيه جميلة أنا مش بحسبها مين نزل قبلي أو بعدي، لأني بشتغل عشان أقدم فن يسعد الناس».

اقرأ  أيضا: 

نقل المخرج سامح عبد العزيز إلى المستشفي بعد تعرضه لوعكة صحية

شروط دخول حفل أنغام بمهرجان العلمين الجديدة

قصة اتهام زوجة محمد رحيم لـ عمرو دياب بسرقة لحن أغنيته