بدرية طلبه تنفي القبض عليها..انا في بيتي

خرجت الفنانة بدريه طلبة ، لترد مروجي شائعات القبض عليها بتهمة تجارة أعضاء البشر ، وقتلها لزوجها المخرج الراحل مصطفى سالم ، الذي توفي العام الماضي ، وفاة طبعية تماماً نتيجة سكتة قلبية مفاجئة.

وقالت بدرية، في بث مباشر عبر حسابها على "فيسبوك"، ردًا على اتهامها بقتل زوجها: "قالوا عني قتلت جوزي وخدت أعضائه، ما أنا مافيا بقى! أنتم عايزين مني إيه؟ وليه الفيديوهات دي كل شوية؟".

وأضافت: "أختي النهاردة يتقالها إني مقبوض عليا، وأنا قاعدة أهو في بيتي.

وكانت الفنانة بدرية طلبة قالت بدرية طلبة، خلال مداخلة هاتفية مع الإعلامي سيد على في برنامج «حضرة المواطن»: «تسليتي الوحيدة هي التيك توك ومعروف العائد اللي بيجيلي بيروح المؤسسة الخيرية بتاعتي في إسكندرية بعد موضوع الزميلة المحترمة وفاء عامر ابتدوا يدخلوا يهاجموني بدون أي سبب بألفاظ مش كويسة، اللي يقولي إنتي قتلتي جوزك واللي يقولي يا بتاعت الأعضاء واللي يقولي الكلية بكام».

وأضافت: «كنت باعدي الموضوع وأعمل مش واخدة بالي، لكن لما يدخل حد يسبني في عرضي وعرض بناتي ويتهمني بقتل جوزي كان لازم أرد، وبعدين اللي بيعمل كده مش الشعب المصري، دا معروف مين اللي بيعمل كده، دول شوية مرتزقة إخوان وذباب إلكتروني ولجان وأنا بخاطب دول».

وأكدت: «أنا بخاطب الشوية اللي بيهاجموني باقولهم إحنا أسياد البلد، إحنا المصريين أصحاب البلد مش إنتوا، والرئيس خط أحمر، شيلتوا ليه الريس خط أحمر وإني بقولكم يا خرفان؟ الشعب المصري جزمة أصغر طفل فيه على دماغي وهما اللي عملوني، بس اللي علموني المحترمين».

اختتمت: «اللي مقدم فيا بلاغات وبيقول بدرية بتقول ألفاظ، آه باقول وأرد أنزل لمستوى اللي داخل يشتمني وبعدين أطلع لمستوايا تاني، دول داخلين يسبوني في عرضي ويتهموني بقتل جوزي من حقي أرد وأدافع عن نفسي».

اقرا ايضا: تامر حسني يُحيي حفلاً غنائيًا على مسرح رأس الحكمة

رامي صبري وروبي في أقوى حفلات الساحل الشمالي فى

مهرجان همسة يرفع شعار معركة الوعي ومحاربة تفريغ