سما المصري ترد على منتقدي ظهورها بالحجاب: أنا بتعايق وأتفشخر بالحجاب

قامت الفنانة سما المصري بالرد على منتقدي نشر صورها بالحجاب، حيث يرى البعض أنها “تتعايق من أجل التريند”.
وكتبت سما المصري عبر «انستجرام»: «الناس اللي بتهاجمني عشان بتصور بالحجاب، وبتقولي إني بتعايق، أيوة دي حقيقة، أنا بتعايق وأتفشخر بالحجاب، حاجة مشرفاني ومحلياني ومنورة وشي، متعايقش بيه ليه ما أنا ياما إتعايقت بلبس مسخرة جت على الحجاب الغلبان يعني، مطلعش ولا أظهر بيه، طيب يا رب كل البنات تلبسه وتطلع تتعاطف بيه، سيبوني في حالي الله يصلح حالكم».

يشار إلي أن سما المصري كانت قد أعلنت عن توبتها وارتداءها الحجاب، وطالبت الجميع بحذف صورها التي تظهر فيها بملابس مكشوفة.

ونشرت سما فيديو ظهرت فيه وهي منهارة من البكاء، عبر حسابها على فيسبوك، وعلقت: «أنا قفلت الانستجرام وهقفل الفيس بعد الفيديو ده والتيك توك مسحت من عليه كل حاجة.. أنا في صراع نفسي مش قادرة أتحمله».
وأضافت سما المصري خلال حديثها "يا رب توب عليا، تعبت والله، اقبلها مني يا رب توبة نصوحة لوجهك الكريم.. وما أقلعش الحجاب تاني يا رب».

وتابعت “لو بتحبوا النبي محدش ينشر حاجة ليا بجسمي ولا شعري تاني، أنا لبست الحجاب، عشان خاطر النبي متنشروش حاجات بجسمي.. أبوس إيدكم”.

وكانت سما المصري، قد أثارت ضجة واسعة عبر السوشيال ميديا بعد ظهورها الأول وهي ترتدي الحجاب، وذلك بعد إعلانها التوبة.

وظهرت سما المصري ، من أمام إحدي اللجان الانتخابية الخاصة بمجلس الشيوخ، للادلاء بصوتها الإنتخابي، وكانت ترتدي فستانا محتشما مع الحجاب.

وشاركت سما المصري صورها بالحجاب عبر حسابها الرسمي على «فيسبوك»، معلقة: «زي ما أنا جاهرت بالمعصية لازم أجاهر بالتوبة.. الحمد لله الناس اللي كانت بتشكك في حجابي وتوبتي آدي أول ظهور لي بالحجاب في انتخابات مجلس الشيوخ بالأزبكية، ويا رب تهدي كل عاصي، وتقويني يا رب على الالتزام والثبات والاحتشام، والأيام الجاية أقدر أعمل حاجه أكفر بيها عن اللي فات يااارب، ويسامحني انا وكل اللي زيي أمين.. كل سنة وكلنا بخير يا رب».