شريف خير الله يكشف رد فعله بعد نجاته من الغرق ويعلق: بدرية طلبة أخطأت

تحدث الفنان شريف خير الله، عن نجاته من الغرق بالساحل الشمالي، مؤكداً أن موجة من المياه أخذته في عرض البحر، ثم فقد توزانه مرة واحدة.

وتابع شريف خير الله، خلال مداخلة هاتفية في برنامج تفاصيل مع الإعلامية نهال طايل: "الساحل الشمالي دايماً رافعين الراية السودة وفي تحذيرات مستمرة، فجأة لقيت نفسي تاية ولقيت حد جنبي معرفوش لقيته مسك أيدي وشدني برا وفضلت ساعة ونص لحد ما فوقت وسألت نفسي إيه اللي حصلي".

وأشار شريف خير الله، إلى أن الله عز وجل أعطاه عمرا مرة تانية، محذراً الجميع بضرورة التوخي أثناء السباحة بالبحر في الساحل الشمالي، ناعياً مدير التصوير تيمور تيمور الذي توفى غرقاً منذ 4 أيام.

وتابع شريف خير الله: "بدرية طلبة غلطانة ومسألة صعبة جداً وشوفنا فنانين كتير عمر ما حد غلط في جمهوره، الجمهور هو تاج رأسي هو سيدي واللي بيصنعني، أنا ليا موقف زمان مع النجمة نيللي وكان صحابي عاوزين يتصوروا معاها وأنا معرفهاش لأن معرفتي بيها بسيطة".

وأشار شريف خير الله، إلى أنه ذهب لمقابلة النجمة نيللي فرحبت به للغاية وطلب منها أن يلتقط أصدقاؤه مجموعة من الصور التذكارية معها، فبادرت بالتصوير معهم وذهبت لهم بنفسها لكي تلتقط الصور.

وأضاف شريف خير الله: " الرسالة بتاعتنا مش فيلم ومسلسل، ده سلوك إجتماعي وسط الناس أو ماشين في الشارع حتى لو محدش عاوز يتصور مع الفنان، لازم ناحد بالنا حتى لو قاعدين في مكان عام من غير ما حد يتصور معانا".

إقرأ أيضاً:

جدل حول إطلاق اسم إيهاب فهمي على دورة مهرجان القاهرة للطفل العربي

أحمد شيبة عن سرقة شقته بالإسكندرية: "إحنا عيلة واحدة ومفيش جديد"