توفيق عبدالحميد يستغيث بالمسئولين بعد رفع عداد مياه شقته بالإسكندرية

قام الفنان توفيق عبد الحميد، بارسال رسالة استغاثة إلى مسئولي المياه في منطقة المنتزه بالاسكندرية، وذلك بسبب رفعهم عداد المياه من شقته التي يمتلكها ويذهب إليها على مراحل، مشيرا إلى أنه مطالب بسداد مخالفة قيمتها 20 ألف جنية.

وكتب الفنان توفيق عبدالحميد عبر حسابه الرسمي على «فيسبوك»: «السيد رئيس مرفق مياه المنتزه بعد التحية يحدث هذا في شقتي بمحافظة الإسكندرية بالعصافرة بحري، في شارع أطلس دفعت فواتير المياه لفترة طويلة، رغم أنها كانت باهظة وغير منطقية وأنا كمان مكنتش بروحها لكن دفعتها وبعد شوية شالوا عداد المياه، وبعد شوية عملوا ليا مخالفة إني استخدم المياه بشكل غير قانوني وحرروا ليا مخالفة بـ20 ألف جنيه».

وتابع: «كل ده والشقة مقفولة لسنوات طويلة وممكن تتأكدوا من هذا الأمر من استخدام عداد الكهرباء لأني خاصمتها علشان كانت بتشوف البحر من كل حتة فيها وبعد كدة اختلف الأمر تماما، وبقت كمان مجروحة وأنا كمان بقيت مريض فخاصمتها، ومروحتهاش بقالي حوالي 15 سنة ينفع كده يا إسكندرية ويا رئيس مرفق مياه المنتزه، أنا عايز العداد بتاعي اللي شلتوه ويبقى في الشقة».

أثار المنشور الجدل بعد كتابته بساعات قليلة، وكتب منشورا أخر عن أنه من الممكن يسرق عداد  المياه ، لكي ينتهي من هذا الأزمة قائلا" دلوقتى لو روحت شقتى فى اسكندرية بعد ما شالوا عداد المياة ابقى بسرق ميه".

كما عاد وعلق أيضا "يا اسكندرية انا بحبك وعلشان كدة اخدت فيكى شقة متعمليش فيا كدة".

اقرأ أيضا: 

 حمادة هلال يطرح أحدث أغانيه بعنوان"يا حبيبنا".. الأربعاء

روايات ودواوين ومعارض تشكيلية في انطلاق الملتقى الثقافي للشباب بالإسكندرية

تفاصيل اغاني ألبوم ويجز قبل طرحه يوم الجمعة القادم