معتزة ابنة الشاعر صلاح عبدالصبور تستغث بسبب تعديل قانون الايجار

كشفت الفنانة معتزة ابنة الشاعر صلاح عبدالصبور، عن  معاناتها في الفترة الأخيرة من ظروف صحية صعبة، وخوفها الشديد من القرار الجديد لتعديل قانون الايجار القديم.

وكتبت عبر حسابها الشخصي بموقع التواصل الاجتماعي فيسبوك: “بعتذر لكل الصحفيين اللى حاولوا يتواصلوا معايا و انا مردتش ارجو تقبل محبتى و اعتذارى عن اى حوارات. أنا مواطنة مصرية عادية جدا بكتب على صفحتى للونس وقت الشدة لانى لوحدي، فبحتاج ونس و انا ابعد ما يكون عن انى احب أى شىء بكتبه عن حالى يكون تريند، حالى هو حال كثيرين جدا هيمشوا من بيوتهم بعد سبع سنوات أو قبل وفقا لرحمة المالك بهم وربنا ينجى الجميع يا رب، خصوصا فى ظرف زى ده و فى حالتى الصحية ”.

أضافت: "مش عايزة ابقى تريند بالمرة أنا حكيت فقط من فرط الألم و قلة الحيلة، محترمة جدا و مقدرة جدا الاهتمام الصادق .بس انا تعبانة جدا جدا .رجاء تقبل محبتى و اعتذارى ، و اللى عايزه ربنا فى اى شىء و فى كل شىء هو اللى هيكون .وأنا مسلمة امرى تماما تماما إلى الخالق وهو ارحم الراحمين.ز خلصت كل خناقاتى فى الدنيا و تشبثى بأى شىء فيها.. ابويا مش فى حيطان شقة، روحه منثورة فى العالم كله، وأنا روحى مع كل اللى عرفونى و حبونى بصدق".

وتابعت:  "لو راحت الحيطان برضه احنا باقيين فى أرواح خلق الله قيمتنا و اثرنا فى الدنيا مش مزنوق فى حيطان و حاشا لله انى بكون بحط نفسى فى مرتبة قيمة و اثر ابويا وواثقة فى حسن فهم ونية القارىء، أنا مهمتى الوحيدة الان هى مراعاة صحتى حتى اكمل مسؤلياتى العالقة تجاه مكتبة ابويا و تجاه القطتتين اللى فى رقبتى، و انى أمشى معنديش اى شىء اطلبه من أى حد و لا اى شىء أقوله، الموقف أكثر إيلاما وقسوة بالنسبة لى من أى كلام أو أى رجاء من أى حد غير الخالق .

اقرأ أيضا:  

فريدة سيف النصر: أحمد السقا قالي غلطنا لأننا لم نتمسك بيكي في العتاولة