علا شوشة ترد على وفاء عامر حول امتلاك دليل براءة أم مكة

ردت الإعلامية علا شوشة، على تصريحات الفنانة وفاء عامر، التي أشارت فيها إلى أن قناة الشمس، تملك دليلاً يثبت براءة "أم مكة" لكنها تمتنع عن الكشف عنه.

وقالت علا شوسة خلال برنامجها"الشفرة"، المذاع عبر فضائية الشمس: ردا على سؤال الفنانة وفاء عامر، إن احنا بننام كويس، وبنصحى الصبح مرتاحين جدًا وضمائرنا مرتاحة جدًا جدًا، ليه؟ لأننا مش طرف في أي قضية وإعلامنا إعلام حر، ومفيش أي علامة استفهام علينا، وكل اللي احنا عاملناه إننا سألنا فقط ماعملناش أي حاجة تانية كل الأطراف".

وأضافت: "حضرتك بتتكلمي عن شات بعتيه لإدارة قناة الشمس، أنا دلوقتي سألت كل الإدارة بدايةً من أستاذة سميرة صاحبة قناة الشمس هل فيه شات وصلك قالت لأ، سألت أستاذ الدغيدي فيه شات اتبعت من أستاذة وفاء قال لأ مفيش، أستاذ عبدالوهاب الدغيدي فيه شات قال مفيش، وسألت كل المديرين وكله قال مفيش شات جالنا، وقالت إنها بعتت شات ليا، وأنا اهو بقول مفيش أي شات بيني وبين حضرتك، كل اللي بعتيه مجموعة فويسات ليا لا تدل على أي شىء، وليس لها أي قرائن ولا أعرف اتسجلت امتى وبتقولي فيها لأم مكة امشي، فده بيدل على ايه أنا مش فاهمة، أنا مقدرش أذيعها حضرتك عايزة تذيعيها اتفضلي".

وتابعت: حضرتك بتقولي الدليل عند قناة الشمس، دليل ايه، ايه الدليل اللي احنا نملكه علشان نبرأ أم مكة من تهمة المحتوى الخادش، ولو حضرتك عندك دليل ما اتوجهتيش بيه ليه للنيابة؟ فيه رقم خاص للنيابة العامة تقدري تبعتي عليه، احنا لا نمتلك أي دليل، ولو كنا نمتلك كنا قدمناه مباشرة للنيابة

واختمت حديثها قائلة: "حضرتك قولتي إننا احتجزنا أم مكة! طيب ازاي وكدة هضطر أذيع فيديو أم مكة تاني داخل قناة الشمس، لأنها واضح انها ما شافتهوش".

اقرأ أيضا: 

الأربعاء.. عرض فيلمي "بياع الربابة" و"ملح الجبل" بمركز الثقافة السينمائية