طليقة أحمد مكي: دبلتي لسة عليها اسمه وزعلانة على خسارته

أعربت خبيرة التجميل مي كمال الدين، طليقة الفنان أحمد مكي، عن حزنها الشديد لخسارة وبعدهم عن بعضهم البعض،  رغم قصة الحب الكبيرة التي كانت تجمع بينهما خلال فترة زواجهما.

وقالت مي كمال الدين فى تصريحات تلفزيونية: أنا بحب أحمد مكي وبحترمه، رغم أن إحنا عاملين بلوك لبعض بعد الطلاق، هو إنسان كويس وجدع، والدبلة اللي في إيدي لسه عليها اسمه، ولسه باحبه وزعلانة على خسارته، واضطريت أعلن جوازنا وطلاقنا لما لقيت ناس بتشير صوري وتقول إننا هنتجوز، رغم أننا كنا فعلا متجوزين واطلقنا، وده مكنش معلن للجمهور لأن مكي مش بيحب يتكلم عن حياته الخاصة.

في وقت سابق، كشفت مي عن  أسباب الطلاق عبر حسابها على موقع التواصل الاجتماعي انستجرام عبر خاصية الاستوري قائلة: في حديث "آية المنافق ثلاث إذا حدث كذب، وإذا عاهد خلف، وإذا خاصم فجر"، والصفات دي مش هتكون فيا لو على موتي، أولا خصوصية إيه اللي أنا محترمتهاش هل أنا نشرت شيء خاص بیني وبین أحمد، هل أنا خرجت وشتمت أحمد.

وأضافت مي كمال الدين: هل قولت فيه كلمة تعيب فيه زي ما البعض وأغلب الناس والمشاهير تحديدا بيعملوا كده في وقت الخلاف، على فكرة الآلية سهلة والفضايح سهلة، بس مش من طبعي ولا تربيتي، أنا اتقيت ربنا في نفسي وفيه، وبعدين إيه كمية التهم اللي نازلة ترف عليا وأنا اقتحمت خصوصيته وخالفت العهد، مختصر الكلام فيه حاجة أنا موضحتهاش، أنا مفيش أي تواصل بيني وبين أحمد بعد وفاة والدته إلا بعد شهرين وحصل خلاف كبير جدا خلى حتى اللي بينا يروح في حتة مكنتش أنا متخيلاها.

اقرأ أيضا: 

حفل غنائي ضخم لـ عمرو دياب تحت سفح الأهرامات