اليوم عزاء والدة أمير عيد بالمعادي

يستقبل الفنان أمير عيد، اليوم الاثنين عزاء والدته من مسجد الفاروق في المعادي وذلك في تمام الساعة 7 مساءً عقب صلاة المغرب.

وكانت توفت أمس والدة امير عيد ، بعد صراع طويل مع مرض الزهايمر، وتم دفنها بمقابر العائلة بعد تشييع الجثمان من مسجد الفاروق بالمعادي.

كشف أمير عيد، من خلال نصيحة قدمتها له والدته في بداية حياته عند إحيائه حفل ختام مهرجان العلمين الجديدة بدورته الثالثة بالساحل الشمالي قائلة "إن الفنان الحقيقي يقاس بأعماله القيمة وليس بالمشاهدات، أو قائمة الأكثر مشاهدة أو استماعا عبر مواقع التواصل الاجتماعي والمنصات الرقمية.

واضاف، أن الناس بتتباهى بالفلوس وبالعربيات والساعة، افتكر مرة أمي قالتلي كلمة، “عمرك ما هتبقى غني إلا لما يكون عندك حاجة الفلوس مبتشتريهاش”

وأشار “دلوقتي السوشيال ميديا بتحسسنا اننا مش عايشين وبنشوف ناس عامله نفسها مبسوطين وفرحانين، دي مش ناس حقيقة، انت اللي ناس حقيقة، عشان مش محتاجين توري حاجة لحد”.

وتابع: «عايز اقول وانا جي العلمين على الطريق ناس كتير قابلتني وطلعت التيكت من العربية وكان فيهم حماس شديد، الموضوع عمره ما كان بالعدد، الموضوع بالروح اللي هما بيدهولنا، حتى لو الحضور انهارده كان نص الناس أو عشر أشخاص بس كنت هعمل الحفلة وهكون فخور بده حقيقي».

واختتم: «المهم مش كام، المهم بالقيمة مش بالكم، انا بعمل أغاني بحبها مش عشان اكون براند أو سلعة، انا مش كيس شيبسي عشان ابيع اكتر حاجة، انا فنان حر والشي اللي بيحركني هو عقلي».

اقرأ أيضا:

عصام السقا يشارك أحمد العوضي في مسلسل علي

شريف عرفة: سرقت مشهدا وقدمته في فيلم "الإرهاب والكباب"

تشيع جثمان الإعلامية فيفيان الفقي من مسجد الشرطة