آية سليم تكشف عن قلقها من المقارنة فى «السلم والثعبان 2

كشفت الفنانة أية سليم، كواليس فيلم "السلم والتعبان لعب عيال" الموسم الثاني الذي قام ببطولة الفنان عمرو يوسف، والفنانة اسماء جلال.

وقالت آية في برنامج «عيش صباحك» على «نجوم إف إم" عن مشاركتها فى فيلم «السلم والثعبان 2»، وحماسها للمشاركة به: إن «الجزء الأول كنت ممكن أتفرج عليه مرتين فى الشهر وفكرة إنى هقدم جزء تانى كانت محمسانى، لكن المفاجأة هو إنه مالوش علاقة بالجزء الأولانى خالص، هو ليه علاقة بيه بشكل ما كقصة وكأنه بعد ما حازم وياسمين اتجوزوا خلاص».

أضافت: "كنت مقلقة من المقارنة وكلنا كان عندنا القلق ده، لكن كل اللى شافوه قالوا مالوش علاقة بالجزء الأولانى خالص».

وعن دورها أوضحت: «لما قعدت اتكلمت مع أستاذ طارق العريان، قال لى خلاص انتي أمينة وأنا شايفك فى ده، وأنا فى الحياة عمومًا أنا الصاحبة اللى بتعنف صاحبتها طول الوقت وكنت حاسة إن الدور قريب منى أوى زى آية فى الحياة العادية بتاعتي».

أشارت أهم حاجة بالنسبة لى كانت الورق وكمان فكرة المخرج طارق العريان، إنه من المخرجين اللى عاوزة أشتغل معاهم وكمان فكرة إنه السلم والتعبان نفسه وفيلم أنا بحبه».

وتدور أحداث الفيلم حول قصة حب بين "أحمد" و"ملك"، تبدأ بإعجاب بسيط يتطور لاحقًا إلى علاقة قوية يسعى كل طرف فيها إلى إثبات نفسه أمام الآخر، في ظل تحديات وصراعات إنسانية تمر بها شخصيات العمل، ما يمنح الفيلم بعدًا دراميًا يتفاعل معه المشاهدون.

ويشارك في بطولة الفيلم، نخبة من النجوم، بينهم عمرو يوسف، أسماء جلال، ظافر العابدين، ماجد المصري، حاتم صلاح، سوسن بدر، وفدوى عابد، وهبة عبدالعزيز. ويُعد الفيلم من تأليف طارق العريان وأحمد حسني، ومن إنتاج "روو إيجبت"، وإخراج طارق العريان.

اقرأ  أيضا: 

أحمد فهمي يكشف سبب طلاقه من هنا الزاهد