فكريني بيكي كده يا شابة، سما المصري تهاجم ياسمين عز بسبب محمد صبحي

أعربت الفنانة سما المصري عن استيائها، من هجوم الإعلامية ياسمين عز، على الفنان محمد صبحي، بعد تصريحاته عن المملكة العربية السعودية.

 وكتبت سما المصرى عبر حسابها الرسمى بموقع «فيسبوك»: «هو أنا كل لما أنام شوية أصحى ألاقى كوكب المريخ دخل علينا.. الست اللى تحت دى أنا مش عارفاها مين بس قالوا بتهاجم العبقرى الوطنى محمد صبحي».

وأضافت: «قالوا لى أنها شغالة مذيعة فى قناة مش مصرية فأنا فهمت الموضوع بعدها، طب ماحد يشوفلي قناة مش مصرية ياجماعة يقبضونى بالدولار».

تابعت: «كنت هارد بس الأستاذ انجز واوجز فى الرد، انتى اسمك ايه ياشابه؟؟ فكريني بيكي كده ومعلش مش متابعة، اسمك ايه؟».

وقالت عز خلال برنامج "كلام الناس" على قناة "إم بي سي مصر": "لما تيجي تتكلم عن بلد شقيق وعظيم زى السعودية الزم حدودك، التزم بالآداب والأخلاق اللى طول الوقت بتتشدق بيها".

وأضافت عز: "اعرف انت بتقول إيه! انت بتتكلم عن الأرض التي يرقد فيها النبي عليه الصلاة والسلام، أرض الرسالة وأطهر بقاع الأرض، أرض بيت الله الحرام، قبلة ملياري مسلم، ومهبط الوحي".

وتابعت: "إحنا مش هننسى موضوع السواق، انت عامل نفسك مربي أجيال؟ طب هات فيلم 'العبقري خمسة' وشوف المشاهد الساخنة والقبلات".

وأشارت ياسمين عز إلى دفاعها عن قصة ناقة النبي صلى الله عليه وسلم التي استهجنها صبحي في تعليقه، قائلة: "لو الناقة عيب، مكنش ربنا سبحانه وتعالى قال على لسان نبيه 'دعوها فإنها مأمورة'، فكان مبرك الناقة هو موقع بناء أول مسجد في الإسلام"، مؤكدة أن هذا الموقف يمثل سقطة قوية في تاريخه".