إيمي سمير غانم: مستوى الغيرة عندي عالي

أكدت الفنانة إيمي سمير غانم، أنها تغير بشكل كبير على زوجها الفنان حسن الرداد.

وقالت إيمى سمير غانم:  "لو حسن أتجوز عليا هيبقى حقه، بس حسن ضد إنه كان يتجوز واحدة فهيتجوز تاني إزاي".

وأضافت عن الغيرة: "مستوى الغيرة عندي عالى طبعًا بس دلوقتي معنديش وقت، هو عمره ما عرفني باسورد تليفونه بس أنا عندي الطرق اللي بعرف بيها لكن دلوقتي معنديش الطاقة إني أدور على الباسورد".

وعن والديها، قالت إيمى سمير غانم، "ماشتغلتش وقت كورونا عشان خايفة عليهم يتعبوا، هم اشتغلوا وتوفوا، كنت بقفل الباب بالمفتاح وقت كورونا عشان بابا وماما ميخرجوش، وكان عندي وسواس وخوف من كورونا، وسبحان الله جالهم هما الاثنين كورونا".

واضافت "أنا مرة ماما جالها إعلان خبيت الباروكة بتاعتها علشان متروحش لأني كنت خايفة عليها جدا".

في سياق أخر، شارك الثنائي حسن الرداد وإيمي سمير غانم في الموسم الرمضاني 2025 من خلال المسلسل الكوميدي الاجتماعي "عقبال عندكوا"، الذي حقق نسب مشاهدة مرتفعة وحظي بإشادة واسعة من الجمهور.

وضم العمل عددًا من نجوم الكوميديا في مصر، من بينهم محمد ثروت، إنعام سالوسة، سليمان عيد، علاء مرسي، عارفة عبد الرسول، حجاج عبد العظيم، ريهام الشنواني، وإسماعيل فرغلي، والمسلسل من تأليف أحمد سعد والي وعلاء حسن، وإخراج علاء إسماعيل.

إيمي سمير غانم: “الكوميديا هي المتنفس الوحيد لي”

وفي أحد اللقاءات السابقة، أكدت الفنانة إيمي سمير غانم أنها لا تفكر في مغادرة الإطار الكوميدي في أعمالها الفنية، مشيرة إلى أن الكوميديا بالنسبة لها تمثل مساحة الأمان والراحة النفسية. وقالت في تصريح سابق:أنا مش عاوزة أخرج برا الإطار الكوميدي، حياتي مليانة ضغوط وكئابة كفاية، فالكوميديا هي المتنفس الوحيد بالنسبة لي، وبحس إني فيها على طبيعتي.”

وأضافت أن الأعمال الكوميدية لا تقتصر على الضحك فقط، بل تحمل رسائل إنسانية واجتماعية، وتحتاج إلى ذكاء كبير في الأداء والتوقيت، مؤكدة أنها تبحث دائمًا عن الأدوار التي تمس الجمهور وتجعله يبتسم من القلب.