لقاء الخميسي تتحدث عن فتاة أحبت زوجها عبد المنصف

ينتظر الجمهور تعليق النجمة لقاء الخميسي، زوجة حارس مرمى منتخب مصر السابق محمد عبد المنصف، على أزمة انفصاله من الفنانة إيمان الزيدي، بعد زواج استمر 7 سنوات في السر.

بعدما أشعلت إيمان الزيدي، السوسيال ميديا عقب إعلانها عن انفصالها من محمد عبد المنصف ، جعلت الجميع يفتش في لقاءات سابقة ظهرت فيها لقاء الخميسي مع محمد عبد المنصف،  والتي كانت دائماً تصرح عن مدي حبها الكبير له

ظهرت لقاء الخميسي وعبد المنصف في أخر لقاء لهما قبل أزمة انفصاله عن إيمان الزيدي، ببرنامج «ست الستات»، على قناة DMC، والذي كشف عن مفاجآت قد تلقي الضوء على التعامل مع الأزمة الحالية، التي تعيشها قبل حدوثها.

قالت لقاء الخميسي، أن العلاقات الطويلة تمر أحيانًا بحالات فتور، لكنها ترى أن تجاوزها ممكن بالحوار: «بعد سنين جواز كتير، طبيعي يكون في زهق وملل، لكن الطرفين يقدروا يكسروا ده ويعدوه».

واشارت لقاء إلى موقف جمع زوجها بإحدى المعجبات، قائلة: «كان في واحدة معجبة بزيادة بعبد المنصف، بس الحمد لله حكمت العقل وقتها، وكل حاجة عدت على خير، وقولت هيخرب بيته ليه.

سألت المذيعة لقاء الخميسي: «بصراحة عٌمر الفار لعب في عبك تجاه جوزك؟» فردت ضاحكة: «لعب طبعًا»، ثم أضافت«كنت عاقلة الحمد لله»، ثم تذكرت أنها عايشت تجربة حدثت مع والدها مع زميلة له في العمل: «كان فيه واحدة قريبة منه ومستوعباة وكان فيه مغازلة وبعدين هو  رجع ورا لإنه مينفعش لأن عنده مراته وبيحبها وعنده ولاده».

وأضافت «بعد سنين جواز فيه حد ممكن يزهق، أنا ما أقصدش إن الراجل يخون، فيه فرق بين إن الراجل يخون وبين  المغازلة إن إنت حاسس إنك عايز تغير وفيه ست تانية معجبة بيك أو شايفاك مز وجامد.

وتابعت: «آه فوّت حاجات لعبد المنصف، كان فيه واحدة مش عايز أشوفها وما أعرفش اسمها كانت بتفليرت عليه والحمد لله في الآخر عشَمها طلع على شونة. هي تعدت الحدود فهو رجع».

وأكدت لقاء الخميسي "كلمتني ببجاحة وقالت لي أنا بحبه وعايزة أبقى معاه،  ست سمجة الصراحة، أنا مقولتلوش إنها كلمتني وفضلت قاعدة حبة حلوين ساكتة وبتفرج هو هيوصل لفين، وهو من نفسه انسحب، لأنه ابتدا يقلق منها، هيخرب بيته ليه ما إحنا بنحب بعض، ايه اللي يخليه يعمل مشكلة وبعدين معاه عيال».

ووأضحت «أنا ببقى فاهمة إن فيه مرحلة عادي الناس بتزهق فيها، بس منصف مش بشك في حاجات تانية، وهو بيصلي».