والدة السباح يوسف محمد: لن أتنازل عن محاسبة كل من تسبب في وفاة ابني

تنظر محكمة جنح مدينة نصر، اليوم جلسة النطق بالحكم على المتهمين في قضية وفاة السباح الطفل يوسف محمد، الذي لقي مصرعه غرقًا أثناء مشاركته في إحدى البطولات الجمهورية للسباحة، في واقعة أثارت حالة كبيرة من الغضب وتساؤلات حول إجراءات الأمان والمسؤولية داخل البطولات الرسمية.

وقبل انعقاد جلسة الحكم، أكدت والدة يوسف تمسكها الكامل بحق نجلها، مشددة على أنها لن تتنازل عن محاسبة كل من تسبب في وفاته، سواء بشكل مباشر أو غير مباشر.

وقالت والدة السباح يوسف: «أنا مش هسيب حق ابني، وهفضل واقفة قصاد أي حد علشان أجيبه، مهما حصل، اللي حصل ليوسف مش غلطة فرد واحد، الكل مسؤول عن اللي جرى، مش المنقذين بس، الاتحاد كمان يتحمل جزء كبير من المسؤولية».
وأضافت في حديثها مع “المصري الآن”: «أنا بشكر النيابة العامة، لأنها وضحت حقايق كتير، وأكدت إن يوسف كان سليم ومأخدش أي منشطات زي ما ناس كتير روجت وقالت كلام وجع قلبي، وربنا هو اللي هيحاسب كل واحد ظلم ابني».
وتابعت: «يوسف راح بسبب الإهمال، وأنا مش بطلب غير حقه، لا أكتر ولا أقل، وهفضل ورا القضية دي لحد آخر نفس علشان محدش يفتكر إن دم ابني رخيص».
 

واختتمت حديثها برسالة مؤثرة لابنها: «اطمن يا حبيبي، أنا عارفة إنك مش راجع تاني، بس متأكدة إنك في مكان أحسن، وحقك مش هسيبه أبدا، وهفضل أطالب بيه لحد ما ترتاح وتنام مرتاح».

وتنتظر أسرة الطفل يوسف السباح، حكم المحكمة على مسؤولي الاتحاد المصري للسباحة، في القضية المتهمين فيها بالتسبب في وفاة السباح الشاب يوسف محمد.

اقرأ أيضًا:

والدة السباح يوسف محمد: مفيش حد فوق القانون والمحكمة هتجيب حق ابني

دفاع المتهمين في قضية الطفل يوسف: الواقعة قتل خطأ ولا يجوز إصدار أحكام قبل فحص الأوراق