نرمين الفقي كنت خايفة من دوري في مسلسل أولاد الراعي

كشفت الفنانة نرمين الفقي، كواليس مسلسل أولاد الراعي الذي شاركت من خلاله في موسم رمضان 2026.

وقالت نرمين الفقى خلال لقائها في برنامج كلمة أخيرة تقديم الإعلامى أحمد سالم على قناة ON، إن المنتج ريمون مقار هو من أقنعها بتقديم هذا الدور، رغم تخوفها الشديد في البداية، موضحة: «كنت متخوفة جدًا وريمون أقنعنى، وكلنا كنا في المكتب خالد الصاوي وأحمد عيد وريمون وقالهم اقنعوها، وأنا قلت له أني معملتش النوعية دي من الأدوار، وقال لي لازم تجددي وتغيري جلدك، ولما بدأت أقرأ حبيت القصة جدًا».

وأضافت نرمين الفقي: “حبيت في البداية مشاعر وأحساسيس الأم اللي أخدت القلوب، ومشهد وفاة ابنها كان متعب جدًا واتصور تقريبًا 3 مرات وكل مرة بعمله بنفس الطريقة إن مكنتش بحاول أكون أحسن لدرجة في المرحلة التالتة بيقوموني مش قادرة اقوم قلت ليهم سيبوني أنا هبقى كويسة، فالتدرج فى الشخصية والأداء، ده فى حد ذاته كويس جدًا ومفيش شر مطلق، وليه أسباب أنها ليه عملت كدة ومش معني كدة إني مع فايقة فى شخصيتها وأكيد مش مقتنعة بده، لكن لازم اكون مقتنعة بالدور اللى بأديه بشخصيتها وروحها وتفكيرها وإيمانها، وده نتاج ابنها اللي توفي بسبب جوزها وجوزها اللي اتجوز عليها".

وأشارت إلى أنها تذكرت وفاة والدتها فى مشهد بكائها على وفاة نجلها في المسلسل، وقال: «أنا في اليوم ده كنت عمالة أقول ماما ماما، الأحداث اللي زي دي بتفكرنا بحاجة تخليك تتأثر وأنا كنت مرتبطة بوالدتي جدًا».

وتابعت نرمين الفقي: «الشحصية واضحها هى روحها فى أولادها، وعملت كل ده علشان خاطر عيالها، حتى الفلوس في الآخر لما خالد الصاوي بيقولها إنتي بتسرقيني.. قالت له أنا لو عاوزة أسرقك كنت خدتنها ليا مش لابنك».

اقرا يضا براءة هاندا أرتشيل من تهم تعاطي المواد الممنوعة