ريهام سعيد في عيد ميلادها الـ 51: دخلت في معارك مش بتاعتي

احتفلت الفنانة والمذيعة ريهام سعيد بعيد ميلادها الـ 51، موجهة رسالة خاصة من خلال صورة في حفل زفافها وعبر حسابها الشخصي بموقع التواصل الاجتماعي فيسبوك.

وكتبت ريهام عبر حسابها علي موقع التواصل الإجتماعي فيسبوك: " ١٩٩٢م.. ساعات الواحد بيحس ان عمره ضاع والسنين جريت، لكن الحقيقة المهم ضاع في ايه.. الشهر ده أنا  51 سنة راضية الحمد لله علي مسيرتي وعلي كل اللي قدمته و علي كل الخير الي ربنا كتب ليه اني أشارك فيه . راضيه عن نيتي اللي كانت دايما كويسة حبي للخير للي حواليه .. دخلت في معارك مش بتاعتي عشان أدافع عن الحق مع ان محدش بيقف جنبي ومش ندمانة".

واضافت: "قابلت ناس وحشه كتير اوي اوي وحقيرة ولسه بقابل ناس ناكره للجميل وخاينة لكن ربنا بيعوض الواحد دايما بدعوه حلوه من مريض او ابتسامه صادقه من طفل بالدنيا كلها . حواليه كم شخص معدودين بيقولوا ان لسه الدنيا بخير الحمد لله ".

وتابعت ريهام: "بس لازم اتأسف لشخص ياما قصرت في حقه فكرت في الناس كلها إلا هي. ريهام سعيد أنا اسفه. اسفه اني اخدت قرارات غلط كتير عشان كنت لواحدي وخايفة كنت لواحدي اوي واسفة اني محافظتش على صحتك و ارهقتك في الشغل" .

وأكملت :"اسفه اني أتهاونت في كرامتك كتير من اجل التسامح و عشان الدنيا تمشي.. اسفة انك مريتي بظروف كتير اوي وجعتك وعطلتك وكعبلنك ومعرفتيش تحققي كل أحلامك . اسفه اني مانجحتش اني انتصر علي اي حد حاربك او شوه صورتك  بالباطل في وقت من الأوقات" .

وأكدت :"صحيح كنتي دايما قويه وبتاخذي الضربة وتقومي اقوي او تمثلي انك اقوي.. ساعات بحس انك تستحقي مكانه ومكان أكبر من الي انتي فيه بكتير عشان انتي تعيتي وتعيني اوي كمان من غير اي دعم من اي حد و لا اي إمكانيات بس هاقول لك حاجة، لسه في وقت" .

وختمت ريهام رسالتها : "حتي لو بالوقت الواحد بيفقد حاجات كتير كانت تعتير إمكانيات منها الشباب لكن لسه في وقت حققي واكبري واسعدي كل الناس علي اد ما تقدري و حققي حلمك الي لسه ماحفقتهوش انتي عارفه هو ايه . مفيش مستحيل . طول ما انتي مجتهده ربنا هايديكي علي اد سعيك . السنة الـ ٥١ هاتكون مختلفة تماما  نص قرن عدوا بس الواحد مايعرفش يمكن سنه واخده كمان تعوض ال ٥١ سنه . باذن الله. . كل سنة و انا طيبة ".

اقرأ أيضا: 

 بعد شائعة وفاتها.. مي العيدان تطمئن الجمهور على حياة الفهد