طلاب نظم المعلومات بأكاديمية الشروق يطورون منصة متكاملة لمرض الوذمة الوعائية الوراثية

قام فريق من طلاب أكاديمية الشروق، قسم حاسبات، تخصص نظم معلومات الاعمال، بإعداد مشروع تخرج متميز، عبارة عن منصة متكاملة لمرض مناعي وراثي نادر اسمه (الوذمة الوعائية الوراثية).

ويقول الطلاب إن المرض ده تشخيصه صعب جداً وبيتشخص غلط بنسبة كبيرة على إنه حساسية عادية لأن أعراضه متشابهة مع عدد كبير جدآ من امراض الحساسية والجلدية، احنا عملنا الويب سايت ده عشان يكون دليل كامل للمريض:

تشخيص ذكي: عندنا AI Model في الموقع، المريض بيصور الجزء المصاب وبيجاوب على أسئلة بتساعده يتأكد لو ده فعلاً المرض ولا لا.

التوعية والفحوصات: بنعرف الناس إيه هي التحاليل المطلوبة بالظبط عشان يتأكدوا من حالتهم.

الأطباء والمستشفيات: جمعنا أماكن العيادات والمستشفيات والدكاترة  ال عندهم الكفاءة  في التعامل مع المرضي وتشخيص المرض  ده في مصر.

توفير العلاج: بنحاول نسهل على المريض الوصول للعلاج اللي لسه داخل مصر قريب، من خلال توفير كافة المعلومات والاوراق المطلوبه عشان نوصل المريض بالعلاج بأسرع طريقة.

هدفنا إننا نسهل حياة المريض ونقلل نسب التشخيص الغلط. كنا حابين نعرف لو ينفع نعرض الفكرة على البيدج عندكم عشان نوصل الرسالة دي لكل مريض محتاجها؟

فريق عمل المشروع:

خالد نميس 

زينب سيد 

ايه حمدي 

مريم حسن 

مازن كمال 

محمد معتز 

فادي مجدي شوقي 

يوسف محمود 

سمير هاني 

احمد محمد 

كريم هيثم عبد الرحيم.