فريق من كلية حاسبات وذكاء اصطناعي بجامعة سفنكس يطورون نظام روبوتي ذكي لتتبع الأجسام باستخدام الرؤية الحاسوبية

قام فريق من كلية حاسبات وذكاء اصطناعي بجامعة سفنكس بمشروع تطوير نظام روبوتي ذكي لتتبع الأجسام باستخدام الرؤية الحاسوبية - Robotic Object Tracking System].

ويقول الطلاب إن فكرة المشروع قائمة على دمج السوفت وير (الذكاء الاصطناعي والرؤية الحاسوبية) مع الهارد وير (الأنظمة المدمجة والروبوتات) عشان نطلع بروبوت يقدر "يشوف" و"يتتبع" أي جسم بيتحرك قدامه في الوقت الفعلي (Real-time) وبأعلى دقة وثبات.

**💡 كيف يعمل المشروع؟ (الرحلة التقنية للروبوت):**

1️⃣ **معالجة الصور والفيديو (Frame Processing):** الروبوت بيلتقط الفيديو ويعدل حجم الصور بسرعة فائقة، ويحولها من نظام الألوان BGR إلى نظام **HSV** عشان الإضاءة وظلالها متأثرش على رؤية الروبوت.

2️⃣ **التعرف الذكي على الألوان (K-Means Clustering):** بمجرد تحديد الجسم بالماوس، الروبوت بياخد منطقة معينة (ROI) وبيطبق عليها خوارزمية **K-Means Clustering** عشان يستخرج اللون الأساسي للجسم بدقة شديدة حتى لو الإضاءة اتغيرت.

3️⃣ **تحديد مكان الجسم (Localization):** من خلال الـ Contour Detection، الروبوت بيحسب مركز الجسم (Centroid) عشان يعرف مكانه بالضبط في الفراغ.

4️⃣ **منع الاهتزاز وثبات الروبوت (EMA Filter):** استخدمنا فلاتر رياضية متطورة (EMA) عشان نمنع أي "رعشة" أو اهتزاز في حركة المواتير، وده قلل التشويش بمعدل 4.3 ضعف وخلى حركة الروبوت ناعمة جداً.

5️⃣ **التحكم في الحركة (PI Controller):** برمجنا نظام تحكم ذكي (PI Controller) يخلي الروبوت يحسب المسافة بينه وبين الجسم؛ لو الجسم بعد الروبوت يتحرك لقدام، ولو الجسم لف يمين أو شمال الروبوت يلف وراه بدقة (Differential Drive).

6️⃣ **أنظمة الهارد وير (Hardware Stack):** المشروع شغال على وحدة معالجة قوية جداً **NVIDIA Jetson** متصلة بالمواتير عبر بروتوكول اتصال سريع (UART).

**🎯 التطبيقات العملية للمشروع:**

النظام ده مش مجرد لعبة، ده الأساس اللي قايمة عليه تكنولوجيات ضخمة زي:

* الروبوتات الطبية اللي بتنقل الأدوية داخل المستشفيات خلف الممرضين.

* روبوتات المخازن اللوجستية الذكية (Amazon Warehouses).

* عربات التسوق الذكية اللي بتمشي ورا الزبون في السوبرماركت.

كل الشكر والتقدير لزملائي وأخواتي في الفريق على المجهود الأسطوري ده، وللمشرفين الأفاضل د. إسلام محمد الكباني، وم. إسلام عبد الحكيم على دعمهم المستمر لينا.

**أسماء وحوش الفريق:**

عبدالله حمدي | طه محمود | محمد مصطفى | منصور خالد | أبانوب عماد | أحمد علي | كرم أحمد | عبدالله محمد.