حسبي الله ونعم الوكيل.. أول تعليق من نجل مصطفي كامل على فيديو الشرقية

علق فتحي نجل الفنان مصطفى كامل نقيب المهن الموسيقية، على أزمة والده بشأن موجة الانتقادات التى طالته على خلفية تداول مقطع فيديو قديم اعتبره البعض مسيئًا لمحافظة الشرقية، مؤكدًا أن حديثه كان يتعلق بأمور نقابية ولم يكن موجهًا إلى أهالى المحافظة.

وكتب فتحى مصطفى كامل، عبر حسابه على «فيس بوك»: «حسبى الله ونعم الوكيل فى كل شخص بيأذى وبيقول كلمة عشان يبان ملاك قدام الناس وناسى ان فى ربنا شايف وشاهد على كل شيء».

واضاف"حسبى الله ونعم الوكيل فى كل شخص عارف أن مصطفى كامل مغلطش فى حد وكلامه كله واضح بالنص انه على أمور نقابية ومخالفات ومقالش حرف واحد على محافظة الشرقية»

تابع: «الڤيديو متصور فى 2022، فأيه السبب أنه يظهر دلوقتى عشان مش عارفيين تمسكوا عليه غلطة ولا سرقة؟ الڤيديو ظهر عشان هو راجل شغال بما يرضى الله وبيخاف ربنا فى مال الغلابة؟».

أشار: « الڤيديو نزل عشان انتو عايزيين النقابة عزبة زى الأول والموسيقيين الوحيدة اللى متضررة؟ ومع ذالك طلع واعتذر على حاجة هو معملهاش وقال انا بعتذر للناس كلها اللى ممكن تكون فهمت كلامى غلط».

أوضح: «إحنا بشر وبنحس كتير اوى اوى اوى 3 ايام شتيمة وكلام متقالش كل ده لمصلحة مين؟ حسبى الله تانى وتالت بس ربنا قادر على كل شئ وربنا كبير».

اختتم: «و تانى وتالت ورابع بنعتذر لكل شخص فى محافظة الشرقية فهم الكلام غلط والله العظيم الڤيديو واضح وضوح الشمس انه يخص جزء معين ولا يشمل من أصغر شخص فى الشرقية لأكبر شخص».

وكان مصطفى كامل، أصدر بيان رسمي يوضح من خلاله ماحدث مؤكداً تقديره وحبه الكبير لأهالي الشرقية وانه لا يقصد الاساءة لهما وأن الفيديو المنتشر حاليا في عام 2022 ويتحدث عن شخص معين ليس أبناء الشرقية.