طلاب معهد طيبة (MIS) يطورون منصة إلكترونية متكاملة للامتحانات الأونلاين

الأربعاء، 19 أغسطس 2026 12:10 م

فريق العمل

المصري الآن

قام فريق من طلاب معهد طيبة (MIS)، بتطوير منصة إلكترونية متكاملة للامتحانات الأونلاين، من تصميم وبرمجة وتنظيم وإدارة البيانات

ويقول الفريق: إحنا مجموعة من طلاب معهد طيبة (MIS)، وقررنا إننا مش بس نكتفي بالدراسة النظرية والمحاضرات، لكن نحاول نحول اللي اتعلمناه خلال دراستنا إلى مشروع حقيقي وعملي يقدر يحل مشاكل بنواجهها كطلاب، وفي نفس الوقت يوضح قد إيه المهارات اللي بنتعلمها ممكن تتحول لحلول تكنولوجية مفيدة على أرض الواقع. 🚀

خلال الفترة اللي فاتت، اشتغلنا على تطوير منصة إلكترونية متكاملة للامتحانات الأونلاين، من تصميم وبرمجة وتنظيم وإدارة البيانات، مع الاهتمام إن المنصة تكون بشكل عصري وبسيط، وسهلة الاستخدام سواء للطالب أو المدرس.

💡 ليه عملنا الموقع ده؟

✅ عشان نقلل من تعقيدات الامتحانات التقليدية، ونوفر تجربة إلكترونية أكثر سهولة وتنظيماً.

✅ عشان نخلي عملية أداء الامتحان أسرع وأكثر مرونة، بدون الإجراءات الورقية التقليدية.

✅ عشان نوفر طريقة سهلة ومنظمة لعرض النتائج، بحيث يقدر الطالب يعرف نتيجته في أسرع وقت ممكن.

✅ عشان نطبق بشكل عملي المهارات اللي اتعلمناها في Web Development وDatabase Management وData Management وتصميم واجهات المستخدم.

✅ عشان نتعلم من تجربة حقيقية بدايةً من تحليل المشكلة، مروراً بتصميم النظام وبرمجته، ووصولاً إلى اختبار المنصة وتجهيزها للاستخدام.

والأهم بالنسبة لنا إن المشروع مش مجرد موقع امتحانات، لكنه تجربة عملية كاملة ساعدتنا نفهم إزاي بنبني نظام متكامل من الصفر، وإزاي نتعامل مع المشاكل والتحديات اللي ممكن تظهر أثناء تطوير أي مشروع حقيقي.

🎯 دلوقتي المنصة جاهزة للتجربة!

حابين جداً نسمع رأيكم وتجربتكم، ونتمنى من كل شخص مهتم بالتكنولوجيا أو التعليم الإلكتروني إنه يدخل يجرب السيستم ويشوف التطور اللي وصلنا له.

🔗 اللينك موجود فوق 👆

رأيكم وملاحظاتكم هتفرق معانا جداً، سواء كانت إشادة بحاجة عجبتكم أو ملاحظة على حاجة محتاجة تطوير، لأن كل Feedback بيساعدنا نعرف إيه اللي محتاج يتحسن وإزاي نقدر نخلي المشروع أفضل.

إحنا لسه في بداية الطريق، وبدعمكم وتشجيعكم هنقدر نطور المشروع أكتر ونطلع بأفكار وحلول جديدة في المستقبل. ❤️

شكراً لكل شخص هيدخل يجرب المنصة ويدعم مشروعنا.

اسماء الفريق:
احمد محمد فتحي حسين
شهد مجدي عيد الفتاح
مصطفي علي. رمضان
ايه محمد مدبولي
محمد عصمت ثابت
فيلوباتير عصام
محمد حسين عمر
جمال عبد الناصر احمد
باسم ممدوح محمد ذكي
زياد محمد ربيع
عبد الله علي فتحي
ممدوح هشام ممدوح
مصطفي محمود مصطفي.