أكرم حسني يكشف عن حقيقة تقديمه للجزء الثاني من فيلم "الناظر"

كشف الفنان أكرم حسني حقيقة الخبر المتداول على السوشيال ميديا عن مشاركته في فيلم "ابن الناظر".

وأكد أن المخرج مجدي الهواري عرض عليه الفكرة لكنه تخوف من تنفيذها، فقال في لقاء مع قناة فوشيا: "مجدي الهواري كلمني من فترة كبيرة على جزء تاني من فيلم الناظر، وكان مرشحني وأنا أبديت تخوف".

وعن سبب تخوفه قال " فيلم الناظر من كلاسيكيات الضحك أخر 20 سنة، وأنا مشفق على الممثل اللي هيعمل الدور ده، لأن المقارنة مع فنان كبير ومحبوب زي الراحل علاء ولي الدين هي اختبار صعب جدًا".

وفي سياق آخر، طرح أكرم حسني قبل أيام على يوتيوب أغنية "يا خراشي"، وهي أغنية مسرحيته الجديدة "ألف تيتة وتيتة"، التي تعرض  مسرح محمد العلي في الرياض من ٢١ لـ ٢٥ نوفمبر، والأغنية من كلمات أكرم حسني وألحان كريم عاشور وتوزيع أحمد وحيد كينج.

كلمات الأغنية:
وتقول كلمات الأغنية "لما وزعوا اللذاذة خدتي أكتر من اللازم، لما صوروا المزازة جم عليكي وعملوا زووم
كل الناس سألت لماذا في الجمال ملكيش مثيل، في قانون للجاذبية راجعوا منهج العلوم، في الحلاوة والشياكة إزاي ما بتدرسيش، في حلاوة زي دي مش هنهزر لأ مفيش، احسبوها يمين شمال .. مش هتلاقوا في الجمال
حد زيك ده انتي نجمة واقفة سينجل على الفيش، يا خراشي يا لهوي يا خراشي، ألف بعثة جم يشوفوا جغرافية البلاد، وأما شافوا لون عنيكي قفلوا باب الاجتهاد، اعلنوا إن عنيكي دولة، وقعت كل العتاولة، مين ينول شرف المحاولة يا اللي نطقتي الجماد، التاريخ هيقول في وصفك امرأة هزت عروش، ولا وصفك حاجة صعبة الكتب متوصفوش، طب حلاوتك دي لعنة ولا سحر من بتاعنا، طب وعزة من جمعنا ألف معنى ما يقدروش، يا خراشي يا لهوي يا خراشي يا لهوي".