رامي جمال: لما بتتكلم وحش عن حد بتبقي مادة إعلامية دسمة

نشر الفنان رامي جمال عبر حسابه الشخصي على فيس بوك، رسالة لجمهوره وكل المحيطين به، تحدث فيها عن طموحه الفني ورؤيته لمسيرته الفنية.
فكتب "أنا محبش أكون رقم في الفن أنا أحب أكون رامي جمال، أحب أكون علامة بعد ما أقرر أبطل أو أزهق أو عمري يخلص، مبحبش المقارنات ولا عاوزها، وعاوز كل الناس ناجحين، دي مش مثالية دي ثقة إن رزقي هو رزقي سواء نجحتوا أو لاء مفيش حد بياخد حاجه من رزق حد".

اقرأ أيضًا: حالته صعبة.. رامي جمال يطلق أخر أغانى ألبومه
 

وتابع: "الفن رصيد، جايز مكونش وصلت لسه للي بحلم بيه، بس أشكر ربي على كل اللي وصلتله، ولسه عشمان فيه أكتر، وبشكر كل حد ساعدني بحب، بشكر الصناع والشركات اللي اشتغلت معاهم، وبعتذر من أي شخص أنا زعلته أو ضايقته بقصد أو غير قصد، أنا إنسان وممكن أكون غلطت وبغلط، المهم وربنا العالم أن قلبي مفيهوش غير حب للناس القريبة والله والبعيدة".

اقرأ أيضًأ: رامي جمال يكشف سبب اعلان اعتزاله أثناء مرضه بالبهاق
واستكمل: "بتعرض كتير لإحباط بس دايمًا ثقتي في ربنا وحظي ورزقي في حب من اللي حواليا وستر كبير بيخلوني أرجع واتشحن طاقة تاني، بحاول قد ما أقدر اجتهد وأجاهد نفسي إني أعمل سيرة حلوة علشان ده اللي باقي".

اقرأ أيضًا: ويجز لرامي صبري: أنت مش رقم 2 أنت بعيد أوي
وختم كلامه بكتابة "المشكلة أن الفترة اللي احنا عايشينها دي لما بتتكلم وحش عن حد كده بتبقي مادة إعلامية دسمة، وده عمري ما هعمله، أخيرًا أنا بحبكم جدًا أصحاب وأهل وجمهور وشكرًا، أنا عاوز اعيش في سلام وحب وكفاية الدنيا الصعبة فسهلوها على بعض".