عمرو وهبة: كنا بنشوف البنات في التلفزيون بس.. وأول بنت شوفتها اتجوزتها

حكى الفنان عمرو وهبة، أثناء استضافته في برنامج صاحبة السعادة للفنانة إسعاد يونس عن تأثير دراسته الأزهرية على حياته.
وأكد أنها أثرت على طريقة اختياره لزوجته، فقال "والدي قرر إن احنا كلنا ندخل مدارس إسلامية فكنا كلنا أزهر، إبتدائي وإعدادي وثانوي وكلية، كنا أزهر تجريبي، أنا خريج لغات وترجمة اللي هي توازي كلية ألسن في التعليم العالي". 
وتابع: "طول فترة دراستي كنا كلنا ولاد بس، فكان بالنسبة لي البنات دول بنشوفهم في التليفزيون بس، واللي هو في الجامعات التانية تلاقيهم قاعدين على السلم بيلعبوا وإحنا معندناش ده، وكان العالم بتاعهم ده عالم غريب جداً بالنسبالي، فأول بنت قابلتها في حياتي كانت هي سلمى مراتي قومت اتجوزتها".

اقرأ أيضًا: بسبب موبايل.. عمرو وهبة يحكي قصة تعرفه على زوجته قبل 19 عام
وكشف عمرو وهبة، عن تفوقه الدراسي فقال "كنت الرابع على بورسعيد في الثانوية الأزهرية، كنت بذاكر كويس وأنا صغير، لأن ماما كانت مدرسة في نفس المدرسة، بعدين بقيت بذاكر علشان أنجح لأني أزهري، فالغش أصلا عندنا حرام، داخل امتحان قرآن هغش إزاي، بعدين بقيت بنجح علشان أهلي عندهم أربعة، فلازم أخفف المصاريف من عليهم، علشان كده اشتغلت بدري، حبيت أساعد أهلي".

اقرأ أيضًا: محمد شاهين يحكل لعمرو وهبة عن فيلم مصري أفقده الشغف تجاه حلم طفولته

وعن رحلته في حفظ القرآن الكريم، قال: “دراستي في الأزهر خلتني أحفظ 20 جزءا من القرآن، أهملت الحفظ فترة، بس رجعت من رمضان اللي فات أحفظ تاني علشان أتم الـ 30 جزء، كنت متخيل إنه هيبقى صعب أحفظ تاني علشان سني وانشغالي، بس لقيت إنه لأ، وتيرة الحفظ بس قلت عن زمان، لو كنت بحفظ صفحتين مع بعض، بقت دلوقتي صفحة”.