عمرو وهبة يكشف سر تسميته "قرموشة" في طفولته

كشف الفنان عمرو وهبة أثناء استضافته في برنامج صاحبة السعادة للإعلامية إسعاد يونس والذي يعرض على قناة Dmc عن سر تسميته عمرو قرموشة في طفولته.

فقال “زمان كنت بلعب باسكت، وكنت بتمرن في نادي رمسيس، ده نادي مشهور في بورسعيد برياضة الباسكت، فأنا كنت رفيع أوي طول عمري، يعني اتولدت 2 كيلو وفضلت طول طفولتي أكلي قليل ورفيع، والقراميش بالبورسعيدي يعني بقسماط، فأنا كانوا مسميني قرموشة لأني رفيع”.

اقرأ أيضًا: عمرو وهبة: كنا بنشوف البنات في التلفزيون بس.. وأول بنت شوفتها اتجوزتها

وأضاف عمرو “طول عمري بتعالج من النحافة، وأهلي كانوا بيقعدوا يأكلوني ويجيبولي تلبينة وحاجات من العطار، بعد سن الـ 30 تخنت وبقيت بلغد وحاجات كده، وبعدها دخلت برنامج تخسيس قاسي نزلت من 80 لـ 60 كيلو، وبدأت بقى أتمرن وأعمل عضل".

اقرأ أيضًا: بسبب موبايل.. عمرو وهبة يحكي قصة تعرفه على زوجته قبل 19 عام

وتحدث عمرو وهبة، عن تفوقه الدراسي فقال "كنت الرابع على بورسعيد في الثانوية الأزهرية، كنت بذاكر كويس وأنا صغير، لأن ماما كانت مدرسة في نفس المدرسة، بعدين بقيت بذاكر علشان أنجح لأني أزهري، فالغش أصلا عندنا حرام، داخل امتحان قرآن هغش إزاي، بعدين بقيت بنجح علشان أهلي عندهم أربعة، فلازم أخفف المصاريف من عليهم، علشان كده اشتغلت بدري، حبيت أساعد أهلي".

وعن رحلته في حفظ القرآن الكريم، قال: “دراستي في الأزهر خلتني أحفظ 20 جزءًا من القرآن، أهملت الحفظ فترة، بس رجعت من رمضان اللي فات أحفظ تاني علشان أتم الـ 30 جزء، كنت متخيل إنه هيبقى صعب أحفظ تاني علشان سني وانشغالي، بس لقيت إنه لأ، يمكن بس وتيرة الحفظ قلت عن زمان، لو كنت بحفظ صفحتين مع بعض، بقت دلوقتي صفحة”.