أحمد شاكر خضير يوجه رسالة لراغبي دخول المجال الفني

وجه أحمد شاكر خضير مهندس الديكور السينمائي، رسالة لراغبي دخول المجال الفني ممن يرسلون له ليرى موهبتهم الفنية، وطالبهم بالتفريق بينه وبين شقيقه المخرج محمد شاكر خضير.

فكتب عبر حسابه على موقع التواصل الاجتماعي فيس بوك، "الناس اللي بتبعت لي سواء مواهبها أو رغبتها في التمثيل أو كتابة السيناريو أو الغناء أو إني اجربهم في دور ما، إزاي عاوز حد يعرفك وأنت مش مهتم حتى تعرفه؟ أحلف لكم بـ إيه أنا مش محمد شاكر (المخرج)، آه أنا في صناعة السينما بس مهندس ديكور".

وتابع: “آه إحنا أخوات بس ده ملهوش أي دعوة إن لو حلمك فعلاً تشتغل في السينما إنك تعمل الحد الأدنى من المجهود والسعي ورا الحلم ده وتعرف الناس اللي في المجال اللي عاوز تدخله، أو أقل أقل حاجة تقرأ اسم صح أو حتى تعرف اسم المخرج اللي باعتله مواهبك المتعددة بكل ثقة، حتى احترامًا له”.

ويخلط الكثيرون أيضًا بين الفنان تامر فرج وشقيقه المخرج وائل فرج، وتحدث تامر في هذا الموضوع أكثر من مرة، ففي أحد اللقاءات الإعلامية قال “أنا أكبر من وائل بـ 8 سنين، بس جينات بابا كانت قوية جدًا، لكن أختنا داليا شبه ماما، وكانت عقدة حياتها إن عينيها مش ملونة شبهنا”.

كما حكى عن موقف حدث مع شقيقه في محيطه السكني فكتب “أظرف حاجة إن واحد صاحب سوبر ماركت بقالوا فترة بيتعامل مع وائل وبيرمقه بنظرات فاحصة ماحصة مرتابة واستجمع قوته أخيرًا و سأل وائل سؤال غريب: ماقالوش هو حضرتك اللي بتمثل؟ ماقالوش أنا بشبه على حضرتك؟ ماقالوش أنا شفت حضرتك قبل كده؟، هو رزعه سؤال غير متوقع وقاله: أنت ليه مش عايز تقول إنه أنت؟!”.