عمرو مصطفى: أنا مغرور على المغرور بس مش على الناس الطيبة

أشاد أحد متابعي الفنان عمرو مصطفى بتواضعه وحرصه الدائم على الرد على تعليقات الجمهور على صفحته الرسمية على فيس بوك.

فكتب “الفنان الوحيد في مصر اللي بيرد على التعليقات وبيتفاعل مع الناس بكل حب وصدق وبساطة”، وحرص عمرو مصطفى على الرد على هذا التعليق بكتابة “وقالوا عليا مغرور ومتكبر، مغرور على المغرور بس مش على الناس الطيبة اللي بتحبني دول فوق رأسي، شوفت أغنية ”أولى بيا" صادقة إزاي، لأنهم مغرورين ومتكبرين واتهموني أنا بالصفات دي".

اقرأ أيضًا: بحضور حسين فهمي.. مؤسسة الأهرام تُكرم وزير الثقافة بدرع التميز

وكان الفنان عمرو مصطفى قد أطلق مؤخرًا كليب أغنيته الجديدة "أولى بيا" عبر قناته الرسمية على يوتيوب ومنصات الاستماع في مصر والوطن العربي، والأغنية تنتمي إلى النوع الدرامي، حيث تعكس مشاعر الخذلان التي قد يواجهها الشخص من المقربين له، وهي من كلمات عز الدين، ألحان عمرو مصطفى، توزيع جابور، ماستر توم توم، وإخراج جابور.

اقرأ أيضًا: في عيد ميلاده الـ75.. ياسين التهامي صوت الإنشاد الديني الذي تجاوز الحدود

وتقول كلمات الأغنية:

“كدبوني قالوا عني فيه وفيه، حاولوا ياما يوقعوني وكنت أقوم، سيبتهم عشان يبان جواهم إيه، وكانوا إيه دول غير تراب على الهدوم، كنت فاكر بينا عمر وذكريات، كنت فاكر بينا عشرة وفيه أصول، بس أتاري قلبهم شايل حاجات، ويوم بيطلع مهما تمثيلهم يطول، ضهري ليكم، ياللي فيكم كل حاجة قولتوا فيا، إنتوا صفحة بقت قديمة، والنهاردة منتهية، ضهري ليكم، أما عيني باصة للدنيا اللي جاية، واللي ضاع مني بسببكم النهارده أولى بيا، انكشفتوا ياللي كنتوا مخبيين، القسية جوة قلب مصدقوش، كل ده معقول كده مستحملين، تنافقوا روحكم تبدلوا بين الوشوش، مش هغير قلبي وأتغير عشان، ناس مفيش جواها قلب من الأساس، واللي يفرق عندي بكره عن زمان، هو إني مش هقبل حياتي بأي ناس، وفي الآخر هنعمل إيه، هننسى وكل ده هنعديه، ده اللي هنطلع من الدنيا دي بيه”.

اقرأ أيضًا: لميس الحديدي عن مشاركتها في فيلم ضي: لم أتمالك دموعي عند مشاهدته أمس