ياسمين رئيس تروي حكايتها مع أيس كريم البسلة وكيف خدعت ابنها

حلت الفنانة ياسمين رئيس، ضيفة على برنامج صاحبة السعادة الذي تقدمه الفنانة إسعاد يونس على قناة dmc، وكشفت عن تفاصيل خاصة من حياتها الشخصية وتجربتها كأم.

وحكت ياسمين عن حيلة غريبة كانت تستخدمها مع ابنها لإطعامه غذاء صحي، فكشفت أنها كانت تضع له البسلة على الأيس كريم، وبررت ذلك بأنها مفيدة، فقالت: “كنت بجيب البسلة واحطها في الفريزر شوية لحد لما تحسيها كدة متلجة وبتقرقش زي الحاجات الكرانشي”.

اقرأ أيضًا: تصالح مفاجئ ينهي أزمة محمد فؤاد وطبيب عين شمس.. ماذا حدث في النيابة؟

وتابعت: “بعد ما تبقى كرانشي تحطيها في الآيس كريم وهو يأكلها بقى، وابني مكنش جرب الحاجات دي خالص لسه، فدي فكرة حلوة أوي للأمهات اللي أطفالها مبيحبوش الحاجات الخضراء، هاتي آيس كريم فانيليا وحطيها فيه، بس المهم يكون مش عارف طعم الحاجات المسكرة من بره، وإلا هيكتشفك، الله يسامحك هيعرف دلوقتي إن أنا كنت بخـدعه، بس البسلة مفيدة وأنا كان نفسي ياكلها”.

اقرأ أيضًا: ياسمين رئيس تكشف كيف أثرت العصبية عليها وطريقة تخلصها منها

كما روت ياسمين رئيس، قصة أخرى غريبة بسبب حرصها الشديد على توفير تغذية صحية لابنها، فقالت أنها كانت تربي فراخ عند السواق الخاص بها لتكون فراخ بلدي ليس بها هرمونات، وقالت “لما قعدت علشان أربي ابني مقعدتش بس علشان أشوف هحب ابني ازاي، لا فكرت هأكله أكل صحي إزاي، فكنت بسمعهم يقولوا الفراخ واخدة حقن في جناحها وأنا كنت بحب أكل الجناح أوي معقول تاخد الحقنة في دراعها إزاي”.

اقرأ أيضًا: ياسمين رئيس: جوزي جابلي الخير ووشه كان حلو عليا

وتابعت: "أنا قولت الولد لازم يأكل أكل صحي، فجبت فراخ صغيرة وقولت أربيها، وبعدين قعدت أدور علي حد وارث مزرعة من أهله، أو أي حد عنده مكان أحط فيه بقرة علشان أشرب ابني لبن صحي، بس لحقوني الحمد لله".