«من النهاردة مش هسكت».. خالد يوسف يكشف التفاصيل الكاملة في قضية عمر زهران

كشف المخرج خالد يوسف عن التفاصيل في قضية المخرج عمر زهران بعد حبسه في قضية سرقة مجوهرات زوجته شاليمار شربتلي، بحسب قوله.

وقال خالد يوسف في فيديو بثه عبر صفحته على موقع الفيسبوك: «على الرغم كل ما قيل، آثرت أن أصمت تماما، ويحكم القضاء ويقول كلمته في النهاية، فيه قضاء وفيه بوليس، معملناش حاجة خطأ، إننا اتسرقنا، وتوجهنا للبوليس واتاخدت أقوال زوجتي وأقوالي، وقدم المتهم للمحاكمة».

فيديو خالد يوسف

وتابع: «فجأة أديرت حملة ضدنا، وكأننا من ارتكبنا الجريمة، فإحنا مجني علينا، واحتكمنا للقانون، وفوجئنا بحملة شديدة الإجرام، واتهامات لنا رهيبة، توجهت للقضاء وتقدمت ببلاغات ضد من اتهموني وأساءوا لي قذفا وتشهيرًا وطعنًا في الأعراض، ومن انهاردة مش هسكت هقدم بلاغات ضد كل من تطاول عليا وعلى زوجتي، اللي عايز يقول أي حاجة، يتفضل يقول ولنا لقاء في ساحة القضاء».

واستطرد المخرج خالد يوسف: «زوجتي عاشت فترة في جدة وأنا كنت بروحلها كل فترة، وشقتها في الفورسيزونز كانت مقفولة، اتنين معاهم المفاتيح عمر زهران والمحاسب بتاعها مصطفى، وعمر اشتغل معاها من حوالي عشر سنين وكان مسؤول عن عقاراتها في مصر ويشرف على تنظيم ديكورات أو فرش جديد، ودايما كان كل الناس فاهمة إن صديقنا، مش شغال معانا».

وتابع: «لما اتسرقت المجوهرات، تم حفظ القضية في البداية لأن المباحث لم تتوصل للسارق، زوجتي حاولت فتح القضية من جديد، عمر زهران كان بيحاول إقناعها بعدم فتح القضية من جديد ويمنعها بأي شكل، وقال لها تعالي ندور في الشقة جايز نلاقيها من جديد، وزوجتي شعرت بتوتره وارتباكه، وبدأت تشك فيه».

وأوضح خالد يوسف: « زوجتي راحت معاه الشقة وهو جابلها واحد اسمه عنتر وقالها دا واحد مبروك وهيدور معانا في الشقة، وبدأ زهران يدور مع عنتر، ومع كل بحث في الشقة، كانوا بيلاقوا جزء من المجوهرات، لمدة خمس مرات، ووفقا لأقوال عنتر، قال كنت بدور بالساعة والساعتين، وعمر يقول لي، دور في الحتة دي فألاقي جزء من المسروقات».

وأشار: أنا روحت معاهم الشقة وكنت قاعد برة في الصالة وسايب عمر زهران وعنتر يدوروا في كل مكان في الشقة وكانوا بيلاقوا أجزاء من المسروقات، ولما جيت أشكر عنتر عمر زهران قالي بتشكره هو ليه أنا اللي لقيت الحاجة وهديتي مش أقل من عربية».

وتابع خالد يوسف في الفيديو: «لما صدر قرار ضبط واحضار لعمر زهران، فتشوا الشقة وجدوا شنطة عليها رسمة الموناليزا، وقالهم شاليمار مديهالي هدية، فلما حققوا مع شاليمار أنكرت أنها مديهاله هدية، فهي بتعتز بالشنطة دي جدا، ولما فتحوا الشنطة لاقوا إكسسوارات كتير وفيها ألماظ ودهب وفضة، وعمر زهران قال إنها مدهيالي هدية».

وأضاف: «النيابة حولت الشنطة إلى هيئة الدمغة والموازين لبيان فيها إكسسوارات عادية ولا فيها ذهب، وتقرير أثبت صحة كلام شاليمار، النيابة اتهمت عمر زهران وأن فيه دليل، بجانب أن عنتر شهد ضده، وأن أقوال عمر كانت عارية عن الصحة».