يسرا تتحدث عن قسوة والدها: عشت معاه بالغصب

حلت الفنانة القديرة يسرا، ضيفة برنامج بيت السعد، تقديم الفنان أحمد سعد، وشقيقه عمرو سعد، وكشفت العديد من التفاصيل الشخصية حول حياتها.

قالت الفنانة يسرا: "وأنا صغيرة كنت دلوعة العائلة لإني كنت أول فرحتهم وجدتي لو أمي زعلتني كان يبقى يومها مش فايت، كنت بنام جنب جدتي وهي كانت تركية بس بتتكلم عربي وقتها كنا أغنياء بس أنا ما لحقتش الغناء اللي هما كانوا فيه".

عائلة يسرا خلال فترة التأميم

وأضافت يسرا خلال لقائها ببرنامج "بيت السعد": "عائلتي تعرضوا للتأميم 3 مرات وأنا طفلة وده أثر في حالتهم المادية".

وتابعت: "أبويا طلق أمي من قبل ما اتولد، وأنا ما شُفتهوش إلا لما بقى عمري 5 سنين، ما شُفتش بابا إلا وأنا عندي 5 سنين، وعشت معاه من سن 14 سنة إلى 21 سنة، عشت معاه غصب عني مش برضايا لإنه أخدني من أمي لإن القانون كان يحق له كده".

ولفت: "أبويا سحب الحضانة من أمي، وأنا صغيرة أوي كانت طفولتي حلوة أوي من سن الـ14 ما كانتش لطيفة لإني كنت مع أبويا، هو كان قاسي بس اللي عمله معايا قواني وبقى عندي إصرار إني أكون حاجة مختلفة ويمكن ربنا حطني في الامتحان ده علشان أقف على رجلي وأبقى كيان لنفسي".

وكشف يسرا خلال الحلقة تفاصيل لقائها الأول بالمخرج الراحل يوسف شاهين، مشيرة إلى أنها أعربت عن حبها الشديد له في أول نظرة بينهما، إذ قالت: أنا مكنتش شوفت يوسف شاهين، بس أعرفه، وأول ما شوفته قولتله أنا بحبك، وهو قال قبل كدا عليا أنه خدني أمثل معاه وأنا نجمة أنا معملتهاش نجمة.