"هكمل ازاي يارب من غيره".. نشوى مصطفى تنعي زوجها بكلمات مؤثرة

نعت الفنانة نشوى مصطفى زوجها رجل الأعمال محمد عماد، الذي رحل عن عالمنا أول أمس برسالة مؤثرة، عبرت فيها عن حبها له ودعمه الدائم لها من خلال حسابها على فيس بوك.

وكتبت عنه “سترتني ربنا يسترك، أكرمتني ربنا يكرمك، سيبت لي أجمل هدية ولادنا ربنا يهاديك بالفردوس الأعلى، 33 سنة ستر وكرم ومحبة ومودة ورحمة، علمتنى ازاي أكون من المتصدقين، علمتني ازاي أكون دايمًا في معية الله، علمتني ازاي تكون عزة النفس، علمتني ازاي اتسامح حتى مع اللي اذاني، علمتنى ازاي اتوكل على الله في كل شئوني، علمتنى ازاي أكرم ضيفي، علمتني معنى التواضع مع عباد الله الضعفاء”.

اقرأ أيضًا: فيديو انهيار عبد الباسط حمودة في جنازة أحمد عدوية 

وتابعت “يا نبيل الأخلاق يا ابن الأصل العالي، نسيت تعلمني ازاي أقدر أعيش من غير وجودك، 33 سنة مبعدناش عن بعض لحظة، 33 سنة ذكريات وحياة بحلوها ومرها، 33 سنة كنت خير زوج وخير أب، 33 سنة أكرمتني وسترتني وجبرت خاطري وربيت عيالنا أحسن تربية”.

اقرأ أيضًا: تشييع جثمان الفنان الشعبي أحمد عدوية من مسجد حسين صدقي | فيديو 

واستكملت “ليه يا عماد سيبتني لوحدى كده، مستاهلش منك تسيبنى لوحدي، ده أنا مبعرفش أعمل حاجة في الدنيا، انت اللي كنت بتعمل لنا كل حاجة، انت اللي سندتني في كل ظروف حياتي الصعبة، في شدتي وفي مرضي شيلتني وطبطبت عليا، ياااااه على غلاوتك ياعشرة عمري، يااااااه على غلاوتك يا أبويا وأخويا وحبيبي وجوزي وابني، بموت ياعماد بموت وانت مش قدام عيني، هكمل ازاي يارب من غيره”.

وختمت نشوى مصطفى رسالتها بطلب الدعاء من متابعيها ومحبيها، فكتبت “ادعو له بالرحمة وادعولي بالصبر وادعو لولادي بالصبر والثبات”.

اقرأ أيضًا: نقابة المهن الموسيقية تنعي نجم الأغنية الشعبية أحمد عدوية