قبل طرحها.. تعرف على كلمات أغنية بسمة بوسيل "لأ ثواني"

نشرت الفنانة المغربية بسمة بوسيل عبر حسابها الرسمي على موقع إنستجرام مقطعًا ترويجيًا لأغنيتها الجديدة بعنوان "لأ ثواني"، التي تحمل كلمات الشاعر عليم، وألحان محمد خلف، وتوزيع محمد العشى. ومن المقرر طرح الأغنية رسميًا يوم 15 يناير على قناة يوتيوب وكافة منصات الاستماع والتواصل الاجتماعي.

كلمات أغنية لأ ثواني لـ بسمة بوسيل

كشفت بسمة بوسيل عن كلمات الأغنية، التي تحمل طابعًا دراميًا يعبر عن مشاعر الانفصال والخذلان، فتقول كلمات الأغنية:
"لأ ثواني.. كل ده ومش شايف إنّى معاك بعاني؟!
كنت ممكن أقولك إيه.. ولّا ليه؟
ما أنت متحطّتش مرّة في يوم مكاني
انتظارك.. وإنّي استنى إنّي أسمع اعتذارك
كان في منتهى الغباء.. ابتلاء.
حُطّ انّي فوقت منه في اعتبارك

أيوه بعلن انسحابى من انتمائى 

للى باقى من مشاعري في يوم تجاهك

أيوه مش فارق معايا تكون معايا 

مش هقضّى عمرى أشدّ في انتباهك 

لازم ابدأ إنّى أنسى حاجة حاجة 

وكل حاجة كانت بتاخد من أماني 

كل ما أبعد عن حياتك 

كل ما أنسى ذكرياتك 

كل ما رجعلي اتّزاني 

انتصاره.. إنّه ينساك قلبي بيه رَدّ اعتباره 

آه ضِعِف طبعًا في يوم.. على العموم 

هوّ  قِوِى دلوقتى بقى سيّد قراره 

لأ حذاري.. لو هتيجى تقولّى نرجع مش هداري

انسى موضوع السماح.. مش مُتاح 

وانّى افكّر فيه فده قرار انتحاري".

وفي سياق آخر، هنأ الفنان تامر حسني زوجته بسمة بوسيل بمناسبة قرب طرح الأغنية، وذلك عبر إعادة نشر البوستر الترويجي للأغنية على خاصية "الستوري" بحسابه الرسمي على إنستجرام. وعلق تامر على الصورة مازحًا: “ماشي يا بسوم، نازلة في نفس اليوم معايا، إحنا هنقطع على بعض كده. بهزر معاكي ربنا يكرمك وأغنيتك تكسر الدنيا وتبقى أنجح من أغنيتي كمان والله والله من قلبي”.