ياسمين عز: حتجوز قريب.. خففي الأحمال على جوزك البسبوسة

كشفت الإعلامية ياسمين عز، عن سر الزواج الناجح من وجهة نظرها، مؤكدة أنها ستنفذها عندما تتزوج قريبًا.

وردت ياسمين عز، على سؤال متصلة في برنامجها كلام الناس، المذاع عبر شاشة قناة MBC مصر، عن سر نجاح الزواج، قائلة: "أنا هقولك بشكل عام لأني في الطريق للجواز، وأنا شايفة من تجربة أهلي، إن الست عمود البيت والست بذكائها وحكمتها وعقلها واحتوائها وقدرتها على استيعاب الأمور مع الرجل وتقبل اختلافه".

وتابعت ياسمين عز: "الموضوع اللي مش محتاج من الست أنها تتخانق مع جوزها بلاش تتخانق، الرجل كائن لا يعبر ولا رغاي، الست تكون صبورة وتدلعه ولو شايفين أن اللي بقوله تفاهة لن تفلحوا مع الرجل، أنك تدلعي الرجل صنعة".

وواصلت ياسمين عز: "لو فيه واحدة خرساء اتجوزت هتلاقوا أن الشكاوي من اللسان الطويل والرد خلصت، متقوليش أنا طيبة واللي في قلبي على لساني، لأ متقوليش اللي في قلبك قدام جوزك".

وخلال الفقرة، في برنامج كلام الناس، قالت ياسمين عز،:" لو أنت سيدة ليبية جميلة، وجوزك قالك زمري؛ ماتزعليش يا مدام، دي مش حاجة وحشة، دي معناها امشي دلوقتي، الراجل الليبي عمره ما يخون".

وتابعت ياسمين عز، "بمناسبة انتهاء تخفيف الأحمال؛ خففي الأحمال على جوزك البسبوسة، حتة الجاتوه بالكريمة، الناس كلها عندها أحمد عادي، وأنتي عندك أحمد برو ماكس".