تامر حسني يوجه رسالة لـ محمد سامي بعد اعتزاله الدراما

الخميس، 20 مارس 2025 12:01 م

أماني سلام

تامر حسني

حرص الفنان تامر حسني، على دعم زميلة المخرج محمد سامي، بعدما قرر يعلن عن أعتزاله الدراما التلفزنوينة.

تامر حسني يوجه رسالة لـ محمدسامي بعد اعتزاله الدراما

وكتب منشورا قال فيه " أوعى تكون عايز تبعد عشان أي إحباط جايز يكون فعلاً في بعض المشاهد اللي الناس إنتقدتها و أنا شخصياً إستغربتها شويه و قولت جوايا أنك مش محتاج تعملها أصلاً لأن عندك الحقيقي والأهم بس على رأيك الفنون جنون أحياناً فكره مجنونه تنال الإعجاب وفكره لأ، بس ده ميخليناش ننسى إنها بعض مشاهد مش بعض أعمال لأنك بالفعل المخرج الوحيد في تاريخ مصر اللي مفشلش ولا مره و يمكن الحظ محالفكش أوي في عمل ولا 2 على مدار 14 سنه و دي حاجه مينفعش الجمهور ينساهالك".

تامر حسني لـ محمد سامي انت قدمت كل المصريين

وأضاف" : "انت قدمت مسلسل آدم اللي جمع كل المصريين وكل الوطن العربي يتفرجوا عليه زي ماتشات الكوره بسبب أنه أتكلم عن قضية تخص كل الوطن وكان بدايه لصوره جديده أول مره كانت بتتقدم في مصر وبعدها سبق الإصرار و حكاية حياه اللي كانوا نقله كبيره في ديكورات الدراما المصريه و بعدين الأسطوره والبرنس و جعفر العمده اللي حققوا نجاحات ساحقه و كانوا أعلى نسبة مشاهدات في الدراما بشكل عام و بعدهم نعمة الأڤوكاتو و إش إش وسيد الناس اللي برضو كل واحد فيهم يا أعلى مشاهده يا تاني أعلى مشاهده".

وأختتم حدثه قائلا: هزعل منك لو هتمشي محبط و أنت أنجح حد الشجره الخضراء الجميله ساعات بيطلعلها ورق أصفر بسيط عادي بيتقص و بتفضل شجره كبيره و جميله و ده التطوير الطبيعي للبني آدم واللي بيمر بيه أي ناجح بيطور و عنده شخصيه بدليل مسلسلاتك بيتقال عليها مسلسلات محمد سامي و تركيز الناس معاك دليل على حبهم لأعمالك و رغم إن بعضهم بينتقدوها بس متابعينها حرف حرف ونقدهم ليك بيبقى على قد حجمك و هي دي ضريبة الناجحين الكبار".

محمد سامي يعتزل الدراما .. ما القصة