"كزبرة" يستعيد ذكريات مجموعه في الثانوية العامة

شارك النجم "كزبرة" متابعيه، باستوري له يستعيد فيه ذكرياته في الثانوية العامة تزامناً مع ظهور نتيجة الثانوية العامة هذا العام.

وعلق : "النهارده يوم بيفكرني بأصعب أيام حياتي، زي النهارده انا كنت جايب ٦٧ ٪؜ في الثانوية العامة و ساعتها المجموع ده مكنش أحسن حاجة وقولت الحمدلله".

وأضاف :" وساعتها قولت أنا هفضل مركز في الحاجة إللي بحبها ومحدش كان مصدقني وأقرب الناس ليا ودعيت ربنا انه يكرمني وميأستش".

وتابع: "والحمدلله وصلت لحلمي السنة دي، بعد سنين وانتقادات توصل الواحد انه ينتحر فحابب أقولكم إن الدنيا حلوة وربنا أكيد له حكمة في إللي بيحصل وبيدي كل واحد علي قد تعبه، فمحدش ييأس والدنيا مش بتوقف وتقدر تثبت لنفسك ولكل اللي حواليك إنك تقدر تنجح وربنا يكرم الجميع".

واختتم :" وبالنسبة للناس إللي نجحت وجابت المجموع إللي نفسها فيه مبروك وربنا يكتب للجميع الخير والنجاح الدايم".