أيمن بهجت قمر يكشف قصة أغنية تسببت فى القبض على مطربيها

كشف الشاعر الغنائي أيمن بهجت قمر، العديد من الأسرار الخاصة عن حياته الشخصية، بعد وفاة والده، موضحًا موقف جمعه بـ الفنان الراحل حسن مصطفى.

وتحدث «أيمن»، خلال تصريحات تليفزيونية قائلًا: «بعد وفاة أبي تمردت على أمي لأني مكنتش متعود أعيش معاها، وهي كانت عايزة تربيني تاني وأنا كبير، قلتلها عايز خالي يبقى وصي عليا، وهعيش لوحدي، كنت 16 سنة، وجيراني دلعوني ومسابونيش».

وتابع أيمن بهجت: «أصعب حاجه الاستمرار في النجاح ولكن الإخلاص في العمل مهم، وبتوقف فترات لما بمر بضغط نفسي، وبرجع تاني»،  مضيفا: «عمار الشريعي كان بيقولي واد يا أيمن إنت من عندنا مش من عندكم، وكنت مصاحب أبويا ولما  طلق أمي كنت عايش معاه، ومات فجأة ولقيت نفسي بواجه الحياة لوحدي، فابتديت بعدها أعبر عن مشاعري بالشعر».

حكى الشاعر الكبير أغنية من كتابته تسببت في القبض على مطربيها.

جاء ذلك أثناء لقاءه مع بودكاست Studio 77 للإعلامي إبراهيم فايق، حيث قال أيمن بهجت قمر: «كان في فريق مشهور عنده أغنية مكسرة الدنيا، عملوا ألبوم تاني وعملتلهم فيه أغنيتين هابطين والبوليس قبض عليهم وأنا كنت قاصر فمحدش جه جنبي. كانت أغنية حقيرة جدًا».

وتابع حديثه: «استخبيت تحت السرير من حسن مصطفى، وكنت طفل، وكان بيتخانق  مع أبويا ويزعقلي عشان أنام  بدري وأروح المدرسة، وكنت بفضل قاعد لحد الساعة 1، ولقيت أستاذ حسن بيخبط فدخلت استخبيت تحت السرير وسمعت بلاوي الوسط الفني كلها، وهما فكرين إني نمت وفجأة طلعتلهم قالولي إنت سمعت إيه؟».

وعلى صعيد آخر، ينتظر أيمن بهجت قمر طرح محمد حماقي لتعاونهما "جديدة لانج".