هنا الزاهد: أختي نور هي نقطة ضعفي

أكدت الفنانة هنا الزاهد، أن شقيقتها نور الأصغر منها هي نقطة ضعفها، والسبب أن  والدها ووالدتها انفصلا، عندما كانت نور تبلغ من العمر ثلاث سنوات فقط..

وقالت هنا الزاهد خلال استضافتها في برنامج الاعلامي أنس بوخش: عندما كانت نور في السادسة من عمرها كنا راكبين العربية رايحين نتغدى مع بابا، ونور كانت قاعدة قدام جنب ماما وبتتنطط، ولما شافت بابا جاي من بعيد سألتني هو ده بابا فقولتلها لأ، بابا اللي وراه ومن اليوم ده بقيت نور نقطة ضعفي وصعبت عليا جدًا.

وأضافت هنا: دلوقتي نور عندها 24 سنة، بس هي بالنسبا لي بنتي مش أختي، لأنها مش عارفة باباها زيي.

كما فتحت الفنانة هنا الزاهد قلبها، وتحدثت بشفافية عن التحولات التي طرأت على شخصيتها، وعلى نظرتها للحياة والعلاقات بعد تجربة الزواج، في لقاء صريح جمعها بالإعلامي أنس بوخش ضمن برنامج "ABtalks"، مؤكدة أنها مرت بفترة صعبة كان لها بالغ الأثر على مشاعرها وثقتها في الآخرين.

وقالت هنا خلال المقابلة: "اكتشفت إني لازم أحافظ على قلبي جدا، وهيبقى صعب جدا إن حد يدخل حياتي من جديد، قلبي اتكسر أوي، وحسيت بتعب نفسي كبير، لكن قدرت أرممه بنفسي، وأسرتي وقفت جنبي وكانت سندي".

وأضافت بحزن وصدق: "في عز الليل وإنت نايم لوحدك، بتحس إنك لوحدك فعلاً محدش هيشيل عنك الوجع غيرك، عشان كده أنا دلوقتي مش بدور على حد يدخل حياتي، إلا لو كنت متأكدة إنه الشخص الصح بجد".

ورغم تلك المشاعر المؤلمة التي مرت بها، أوضحت الزاهد أنها تعيش حالياً فترة من الهدوء الداخلي والرضا، قائلة: "أنا فعلاً في أسعد فترات حياتي، ومركزة دلوقتي على سعادتي الشخصية، وعلى إني أحقق الحاجات اللي كان نفسي أعملها ده وقتي أنا".

اقرأ أيضا: دايماً الحمد لله.. حلا شيحة تعلق على ارتداها الحجاب مجدداً وتفاعل

أفضل 8 أفلام كوميدية مصرية لعام 2025

أفضل أفلام هندية 2025.. أبرزها Sikandar لـ سلمان