والد طالب مدرسة دمنهور: المتهم اعتدى جنسيا على ابني أكثر من مرة داخل الحمام

حصل موقع «المصري الآن» على محضر نص أقوال «م.ع» والد الطفل ياسين ضحية مُحاسب مدرسة دمنهور، المتهم بالاعتداء عليه وهتك عرضه داخل حمام المدرسة، حيث كشف أن المتهم اعتدى جنسيا على نجله أكثر من مرة وهدده بعدم الصراخ أو الافصاح، ويحمل المحضر رقم ١٥٥٧ لسنة ٢٠٢٤ اداري مركز دمنهور.

س: ما هي تفصيلات شكواك ؟

ج اللي حصل إن يوم ٢٠٢٤/١/١٥ الساعة ٤ الفجر بتوقيت الإمارات لقيت مراتي بتكلمني بتقولي أنا اكتشفت أن ياسين حد اعتدي عليه جنسيا في المدرسة، وهي لما اتكلمت معاه حكا لها إن في حد دخل عليه الحمام وهو في المدرسة، فأنا قولتها الصبح روحي بسرعه لدكتور يكشف عليه ويقولنا، وأما راحت تاني يوم الدكتور تواصل معايا وأكد لي أنه تم اعتداء عليه جنسيا أكثر من مرة، فقولت لها أنا هحاول أنزل مصر في أسرع وقت وقدمت في شغلي في الإمارات على أجازة ونزلت مصر يوم ٢٠٢٤/٢/٢، ورحت لدكتور تاني عشان أكد التشخيص وقعدت مع ابني، وحاولت أعرف منه التفاصيل اللي حصلت، وقال لي المستر عورني وشد شعري وكتم بقي لما دخل عليا الحمام، ولما سألته هو أنت ليه مصوتش أما دخل عليك قالي هددني، وبعدها حاولت اعمل محضر، لحد النهارده لما قررت اعمل العريضة عشان اجيب حق ابني وجيت على النيابة النهاردة عشان اتسأل

س: متى وأين حدث ذلك؟

ج: الكلام ده حصل ٢٠٢٤/٢/٢ لما مراتي كلمتني وأنا في شغلي في الإمارات ومعرفتش أنزل اجازه غير يوم ٢٠٢٤/٢/٢

س: وما هو اسم المشكو في حقه تحديدا؟

ج: اسمه صبري كامل معرفش بقيه اسمه هو محاسب بمدرسة الكرمة للغات، وفي ناس بتقول إنه محاسب في المطرانية وبيجي كذا يوم في الأسبوع يشرف على الحسابات الخاصة بالمدرسة.

س: وهل من ثمة علاقة أو خلافات فيما بينك وبين سالف الذكر؟

ج: لا

س: ما الذي بدر منك عقب ذلك ؟

ج: أما وصلت من السفر رحنا لدكتور تاني وأكد أن حصل اعتداء جنسي على ابني أكثر من مره ورحنا عملنا البلاغ والنهارده جينا على النيابة.

س: وكيف نمى إلى علمك حدوث تلك الواقعة؟

ج: يوم ٢٠٢٤/١/١٥ وأنا في شغلي في الإمارات مراتي كلمتني وقالتلي أن في حد اعتدي على ابني جنسيا في المدرسة.

س: وهل أخبرك نجلك بما حدث من المتهم قبله؟

ج: أيوه أما نزلت مصر وقعدت مع ابني حكالي أن في حد دخل عليه الحمام في المدرسة واعتدي عليا وقلعني البنطلون وحط السكينة فيا من ورا وعورني وكتم بقي وشد شعري عشان مصوتش.

س: وما هي الأفعال المادية التي قام بها المتهم قبل نجلك المجنى عليه؟

ج: معرفش غير الكلام إلى قالوا ابنى

س: وهل نتج عن تلك الأفعال ثمة آثار إصابيه بنجلك؟

ج / ايوه

س: وما قصد المتهم سالف الذكر من ارتكابه لتلك الأفعال؟

ج: هو قصده يعتدي جنسيا على ابني ويهتك عرضه.

س: هل يوجد ثمة شهود للواقعة؟

ج: لأ 

س / هل يوجد أى علاقة أو خلافات بينك وبين والمتهم؟

ج / لا أنا معرفهموش

س / هل من ثمة صلة أو علاقة تربط بين المتهم والمجنى عليه؟

ج / لا

س: وكيف وقفت علي ذلك القصد؟

ج: عشان ده اللي ابني حكهولي

س: هل ترغب في عرض نجلك على مصلحة الطب الشرعي؟

ج: أيوة.