إليسا في "بيت السعد": أنا مش ضد المساكنة .. وعمرو سعد يرد: قلة أدب

كشفت النجمة اللبنانية إليسا خلال حلولها ضيفة على برنامج "بيت السعد" عن رأيها في العديد من المواضيع المثيرة أبرزها المساكنة.

بدأ أحمد سعد الحديث عن المساكنة، قائلا: "إبني بيدرس في أمريكا، وحكى لي ذات مرة عن صديقة له عندها مشكلة في البيت، وبيتها بعيد فقال لي (هتيجي تقعد معايا أسبوعين)، قلت له: (يعني إيه هتيجي تقعد معاك أسبوعين، مش فاهم؟)".

وردت الفنانة إليسا: "إيه المشكلة؟ القانون في أمريكا بيسمح بفكرة المساكنة، ولو أنت بتقول إننا مجتمع شرقي، ليه خليته يدرس في أمريكا؟".

ليرد عليها أحمد سعد قائلا: "وديته أمريكا عشان يتعلم، إحنا لينا المبادئ بتاعتنا، لو روحنا في أي مكان لينا المبادئ بتاعتنا".

وتطرق الحديث مع إليسا عن رأيها عن المساكنة، وقالت: "أنا مش ضد فكرة المساكنة، لأن أغلب الزواج الذي لم ينجح لأن الطرفين لم يعيشوا مع بعض لفترة أطول وأكبر فنسب الطلاق زادت لأن الطرفين لم يعيشا مع بعض، أنا مع فكرة المساكنة ولست ضدها ولو القانون بيسمح بهذا الأمر يطبق، والمساكنة في أمريكا طبيعية".

وعلق عمرو سعد على المساكنة قائلا: "أنا ضد الموضوع ده تماما، أني أجيب بنت تقعد مع ولد عنده 16 سنة دي قلة أدب، لأن أكتر حد بيتأذي في الحاجات دي هي البنات، حتى في أوروبا البنات بتتبهدل بسبب العلاقة دي".