إيناس عز الدين: أمي اتجوزت خطيبي.. وقالت لي هو فضلني عليكي

 كشفت المطربة إيناس عز الدين، عن المعاناة الكبيرة التي عاشتها في طفولتها بسبب وفاة والدها  وهي في عمر الـ 5 سنوات، مشيرة إلى أن والدتها لم تكن تتحمل المسئولية، كما أنها خانتها مع خطيبها.

وقالت إيناس عز الدين، في تصريحات لبرنامج قعدة ستات، تقديم الإعلامية مروة صبري، الذي يعرض على قناة «ألفا»: « إن والدتها تزوجت من خطيبها وهي في سن 18 عامًا، مؤكدة بقولها: دا حصل فعلا، وأنا عندي 18 سنة وعيلتي وجيراني وكل الناس عارفة القصة بتفاصيلها،علاقتي بوالدتي اتقطعت لمدة سنة وبعدها رجعت تاني وحاولت أتخطى، والتمس لها الاعذار وعشت وكملت حياتي وربنا رزقني بجوزي».

وأضافت: «مش ندمانة أنها عملت كده، بالعكس مبسوطة، لأني لو مكنتش عملت كده كان زماني مع بني آدم مختل، لأنه ساب واحدة وكان مع أمها، هو سابني وبعدها بـ 4 شهور عرفت أنهم متجوزين من وقت ما هو سابني، هو جه خطبني وحصل تواصل ما بينهم وسابني من هنا واتجوز أمي، وأنا مكنتش اعرف، ولحد النهاردة معرفش التواصل دا حصل إزاي". 

وتابعت:«هما اتجوزوا سنة، لما سألتها ليه عملتي كده، قالت لي هو فضلني عليكي، هو كان جواز صالونات وكان عندي 18 سنة وكنت عايزة اهرب من ضغوط عايشة فيها، وهي كانت سبب فيها، أنا بعد اللي حصل دا فقدت ثقتي في كل خلق الله بلا استثناء،أنا عشت طفولة قاسية بسبب ظروف أسرية، والدي توفى وأنا عندي 5 سنين وجدتي والدة والدتي هي اللي أخدتني أنا وأختي وربتنا".

واختتمت حديثها: “أمي معرفتش تتحمل مسئوليتنا، مش كل الناس عندها غريزة الأمومة ومش كل الناس تقدر تستوعب أن يبقى عندها أطفال، في أم ممكن تولد وترمي عشان هي مش عارفة تتعامل، هي مش بتعرف تتعايش غير مع نفسها فقط”.

اقرأ أيضا: من غير تلميحات.. أحمد فهمي يكشف عن سبب فيديو جمعه بهنا الزاهد

مروة عبدالمنعم: محمد سامي مخرج ذكي

تركي آل الشيخ يعلن أقوى 20 فيلمًا في شباك