صبحى خليل: بعت شقتي لأعالج ابنتي من السرطان

كشف الفنان صبحي خليل عن معاناة ابنته داليا مع السرطان ، موضحا أن ذلك هو أصعب مموقف مر به في حياته لأنها هي الابنة الكبيرة.

وقال صبحي خليل في لقاء مع الإعلامى الدكتور عمرو الليثى، في برنامج “واحد من الناس”: أصعب محنة عدت عليا هي مرض بنتي داليا  أنا بيبقى عندى بس مشكله إنى أسترجع اللحظة ديه ووقتها، هى طبعاً كانت بدايتها صعبة وصعبة أوى عليا، الناس لما بتسمع إن فى حد عنده كده كان بيحصل خضة فظيعة، ما بالك إنت بقى تعيش الحكاية ديه وإنت أب وديه بنتى الكبيرة اللى شافت معايا كل حاجة، فاللحظة اللى اكتشفنا فيها الموضوع ده مش هقدر أوصفلك أنا شكلى وحالتى كانت عاملة إزاى".

وأضاف: لولا تمسك الواحد بربنا سبحانه وتعالى كان ممكن يستقبل الموضوع بشكل صعب، لكن الحمد لله الواحد كان راضي عشان كده ربنا يسر لها حاجات كتير جداً في حياتها، ورغم إن هذا المرض بيبقي اسمه موت وخراب ديار لأنه بيحتاج فلوس كتير جداً للعلاج وأنا قدرتي المادية مكنتش تسمح بكده تماماً، لأن داليا عملت 74 جلسة علاج كيماوي وعملت عملية زرع نخاع فى فرنسا.
وقال: "طبعاً عشان أقدر أعمل كده لجأت لأصدقاء كتير وبعت شقة كانت عندي في إسكندرية عشان أقدر أوفي حق الـ 12 جلسة الأولى لأنهم كانوا متحددين وقتهم وكانوا أسعارهم غالية جداً، والحمد لله تم الشفاء بنسبة تقريباً 90% 85% . والدكتور أوصي إن إحنا لو قدرنا نعملها عملية زرع نخاع هيبقي أفضل كتير، فحاولنا محاولات كتير جداً جداً عشان نقدر نسافر فرنسا وديه عايزه مصاريف أكتر لوحدها وحوار تاني طبعاً".

وتابع حديثه قائلا: توفقنا الحمد لله وسافرنا وعملت عملية زرع النخاع، وهذه العمل المناعة فيها بتوصل لـ صفر فلازم ميكونش حد جنبها خالص عشان لو حد عطس قريب منها ممكن تحصل مشكلة كبيرة جدا وتتعبها أكثر، فكانت قاعدة في أوضة زجاجية كده لوحدها وأختها بس چيهان اللي كانت معاها وكانت بتراعيها من بعيد ومصوراها في اللحظات ديه، وأنا وأمها مقدرناش نسافر وكنا موجودين هنا وكانت لحظات قاسية جداً.

واختم حديثه بالقول:  في تلك الفترة الصعبة، المحنة مرت على خير وهي حالياً في أفضل صحة وعافية، ربنا بيكافئها هي بالصبر بتاعها لأنها صبرت وتعبت جامد جدا، وكافئها كمان إنه إدالها شخص زي أحمد عبد الوهاب ده شخص جميل وبيحبها جداً وشبهنا وزينا.

اقرأ أيضا: ملخص الحلقة الـ 25 من مسلسل "المدينة البعيدة"

مهرجان كان يمنع ارتداء الفساتين العارية للنجمات

كارول سماحة تكشف عن آخر كلمات زوجها الراحل قبل